అనుష్క పాత నోటు.. ఐష్‌ కొత్త నోటు

ఐదొందలు.. వెయ్యి రూపాయల నోట్ల రద్దు వ్యవహారం చిలికి చిలికి గాలివానగా మారుతున్న సంగతి చూస్తూనే ఉన్నాం. ఈ ఎపిసోడ్ పై ఎవరి వాదనలు వారికున్నాయి. మోడీ చేసిన పని కరెక్టే అని కొందరు.. అతి పెద్ద తప్పు అని మరికొందరు వాదించుకుంటూ ఉన్నారు. ఆన్ లైన్ లో ఈ రచ్చ బాగా ఎక్కువగా కనిపిస్తోంది కానీ.. కొందరు మాత్రం క్రియేటివిటీతో చంపేస్తున్నారు.

రీసెంట్ గా రిలీజ్ అయిన 'యే దిల్ హై ముష్కిల్' మూవీకి ఈ నోట్ల రద్దుతో లింక్ పెడతున్న ఓ వీడియో.. ఇప్పుడు వైరల్ అయిపోతోంది. నిజానికి నోట్ల రద్దు వ్యవహారంతో.. ఈ సినిమా నష్టపోయింది అతి స్వల్పమే కానీ.. ఈ మూవీ స్టోరీకి.. సినిమాలో ఉన్న నటులకు ఆ వీడియోలో లింక్ పెట్టారు. రణబీర్ కపూర్ కరెన్సీ కోసం ఇబ్బంది పడుతున్న కామన్ మ్యాన్ అయితే.. యంగ్ బ్యూటీ అనుష్క శర్మను పాత వెయ్యి రూపాయల నోటుగాను.. సీనియర్ సుందరాంగి ఐశ్వర్యారాయ్ ను కొత్త 2వేల రూపాయల నోటుగాను అభివర్ణించారు.

పాత నోటు(అనుష్క)తో ఇబ్బంది పడుతుండగా సడెన్ గా బ్యాన్ విధించడం.. అదే సమయంలో కొత్త నోటు(ఐశ్వర్య) అందుబాటులోకి వచ్చి ప్రేమను పంచుతోందంటూ.. కామన్ మ్యాన్ సమస్యను.. సినిమాటిక్ గా భలే కన్వర్ట్ చేశారు. పాత నోటు మార్చడం అంటే చిన్న విషయం కాదు.. చాలా కష్టం అని ఇప్పటికే జనాలకు అనుభవంలోకి వచ్చేసింది కదా.. అందుకే జనాలు ఈ వీడియోకు కనక్ట్ అయిపోయి తెగ ఎంజాయ్ చేసేస్తున్నారు.



Like Us on Facebook : https://www.facebook.com/Tupakidotcom/