మాజీ ల‌వ‌ర్ కి భ‌ర్త‌ హ‌గ్.. ఐష్ సీరియ‌స్‌

మాజీ విశ్వ‌సుంద‌రి ఐశ్వ‌ర్యారాయ్ గ‌త ప్రేమాయ‌ణాలు తెలిసిందే. బాలీవుడ్ స్టార్ హీరోలు స‌ల్మాన్ ఖాన్‌.. వివేక్ ఓబెరాయ్ ల‌తో ప్రేమాయ‌ణాన్ని సాగించిన అనంత‌రం అభిషేక్ తో ప్రేమ‌లో ప‌డ‌డం బ‌చ్చ‌న్ ఫ్యామిలీ కోడ‌లుగా ఆహ్వానించ‌డం తెలిసిన వ్య‌వ‌హార‌మే. స‌ల్మాన్ ఖాన్ అతి ప్రేమ‌ని త‌ట్టుకోలేని ఐష్ ఆ త‌రువాత వివేక్ తో చ‌నువుగా వుండ‌టం మొద‌లుపెట్టింది. ఇద్ద‌రూ పీక‌ల్లోతు ప్రేమ‌లో మునిగిపోయార‌ని.. త్వ‌ర‌లో పెళ్లి చేసుకోబోతున్నార‌ని బాలీవుడ్ లో ప్ర‌చారం జ‌రిగింది. కానీ అనూహ్యంగా అభిషేక్ బ‌చ్చ‌న్ లైన్ లోకి రావ‌డం.. ఐష్ కి ప్ర‌పోజ్ చేయ‌డంతో పెళ్లి చేసార‌ని ముంబై మీడియాలో ప్ర‌చారం సాగింది.

ఈ జంట సంతానం ఆధ్య స్కూల్ వ‌య‌సుకు చేరుకున్న సంగ‌తి తెలిసిందే. అయితే గ‌త కొంత కాలంగా భార్యాభ‌ర్త‌ల‌ మ‌ధ్య గొడ‌వ‌లు జ‌రుగుతున్నాయ‌ని ప్ర‌చారం జ‌రుగుతోంది. ఆ ప్ర‌చారానికి ఆజ్యం పోస్తూ అభిషేక్ బ‌చ్చ‌న్ త‌న భార్య మాజీ ప్రియుడైన వివేక్ ఓబెరాయ్ ని ప‌బ్లిక్ ఫంక్ష‌న్ లో ఆత్మీయంగా హ‌గ్ చేసుకోవ‌డం బాలీవుడ్ జ‌నాల‌తో పాటు ఐశ్వ‌ర్యారాయ్ కి ఆగ్ర‌హాన్ని తెప్పించింది. లోక్‌స‌భ ఎగ్జిట్ పోల్స్ సంద‌ర్భంగా వివేక్ ఓబెరాయ్ ఐశ్వ‌ర్యారాయ్ ని కించ‌ప‌రుస్తూ సోష‌ల్ మీడియాలో ఓ అస‌భ్య‌క‌ర‌మైన పోస్ట్ ని పెట్టాడు. దీనిపై నెటిజ‌నులు తీవ్రంగా మండిప‌డ‌టంతో సారీ చెప్పి ఆ పోస్ట్ ని తొలిగించాడు. అలాంటి వ్య‌క్తిని అభిషేక్ బ‌చ్చ‌న్ హ‌గ్ చేసుకోవ‌డం ఐష్ కి ఆగ్ర‌హాన్ని తెప్పించింద‌ని తెలుస్తోంది.

ఇటీవ‌ల పీవీ సింధుకు గ్రాండ్ టైటిల్ ని సొంతం చేసుకున్న సంద‌ర్భంగా ముంబైలో ఓ పార్టీని ఏర్పాటు చేశారు. ఆ పార్టీలో పాల్గొన‌డానికి వ‌చ్చిన అభిషేక్ బ‌చ్చ‌న్‌.. వివేక్ ఒక‌రికొక‌రు రెడ్ కార్పెట్ పై ఎదురుప‌డ్డారు. ఆ సంద‌ర్భంలో వివేక్ ప‌ల‌క‌రించ‌డంతో అభిషేక్ అత‌డిని హ‌గ్ చేసుకోవ‌డం ఆశ్చ‌ర్యానికి గురి చేస్తోంది.