తెలుగ‌మ్మాయి ఆశ‌లు అడియాశ‌లేనా!

`కౌస‌ల్య కృష్ణ మూర్తి` సినిమాతో టాలీవుడ్ కి ఎంట్రీ ఇచ్చిన బ్యూటీ ఐశ్వ‌ర్య రాజేశ్. తెలుగ‌మ్మాయే అయినా త‌మిళంలో పాపుల‌రైన ఈ బ్యూటీ టాలీవుడ్ లోనూ ఎద‌గాల‌ని భావించినా న‌టించిన‌వేవీ ఆశించిన ఫ‌లితాన్ని ఇవ్వ‌లేదు. క్రీడా నేప‌థ్యం గ్లామ‌ర్ షోకు ఆస్కారం లేకుండా చేసిన గ‌త చిత్రం కౌశ‌ల్య స‌త్య‌మూర్తి ఫ్లాపైంది. అయితే వ‌ర‌ల్డ్ ఫేమ‌స్ ల‌వ‌ర్ లో మాత్రం విజ‌య్ దేవ‌ర‌కొండ కు భార్య పాత్ర‌పై చాలా ఆశ‌లు పెట్టుకున్నా.. కానీ భారీ అంచ‌నాల న‌డుమ విడుద‌లైన ఆ సినిమా ఎలాంటి ఫ‌లితాలు సాధించిందో తెలిసిందే. యావ‌రేజ్ గా కూడా బాక్సాఫీస్ వ‌ద్ద రాణించ‌లేదు. నిజానికి ఈ సినిమాపై ఐశ్వ‌ర్య రాజేష్ చాలా ఆశ‌లు పెట్టుకుంది. రౌడీ స్టార్ తో న‌టించే ఛాన్స్....పెద్ద బ్యానర్ వంటి ఫ్యాక‌ర్స్ కెరీర్ కి ప్ల‌స్ గా మార‌తాయ‌ని భావించింది. కానీ ప‌రాజయం వెక్కిరించింది.

ఇక ఈ అమ్మ‌డి రంగు చామ‌న చాయ‌. గ్లామ‌ర్ ఎక్స్ ఫోజింగ్ చేసే హీరోయిన్ కాదు. ఒక‌వేళ ఎక్స్ ఫోజ్ చేసినా ఎంత వ‌ర‌కూ రీచ్ అవుతుంద‌న్న‌ది సందేహ‌మేన‌న్న విమ‌ర్శ‌లు మొద‌టి నుంచి వినిపిస్తూనే ఉన్నాయి. తాజాగా వ‌ర‌ల్డ్ ఫేమ‌స్ ల‌వ‌ర్ త‌ర్వాత అశ్వ‌ర్య‌పై డిస్ట్రిబ్యూట‌ర్లు..మార్కెట్ నిపుణులు ఈ అమ్మాయి హీరోయిన్ మెటీరియ‌ల్ కాదంటూ విమ‌ర్శించ‌డం చ‌ర్చ‌కొచ్చింది.

ఆ క్వాలిటీ ఉండుంటే వ‌ర‌ల్డ్ ఫేమ‌స్ ల‌వ‌ర్ ఫెయిలైనా..అమ్మ‌డి పాత్ర‌కు మంచి గుర్తింపు వ‌చ్చేద‌ని అంటున్నారు. ప్లాప్ తో పాటు అమ్మ‌డి గురించి ఎక్క‌డా చ‌ర్చ కూడా జ‌ర‌గ‌లేదంటే? ప‌్రాబ్ల‌మ్ ఎవ‌రిది? అని కొంద‌రు ప్ర‌శ్నిస్తున్నారు. ప్ర‌స్తుతం తెలుగులో నాని న‌టిస్తోన్న `ట‌క్ జ‌గ‌దీష్ `లో ఓ పాత్ర పోషిస్తోంది. మిగ‌తా స‌మయాన్ని కోలీవుడ్ సినిమాల‌కే కేటాయిస్తోంది. ప్ర‌స్తుతం అక్క‌డ వ‌రుస‌గా సినిమాలు చేస్తోంది. తాజాగా దర్శకుడు పా.రంజిత్‌ నిర్మించనున్న తాజా చిత్రంలోనూ నాయిక‌గా ఎంపికైంద‌ని సమాచారం. దీనికి దర్శకుడు అమీర్‌ శిష్యుడు సతీష్‌ దర్శకత్వం వహించనున్నారు. ఇది హీరోయిన్‌ ఓరియెంటెడ్ అని తెలుస్తోంది. తెలుగు వ‌ర‌కూ ఆశ‌లు అడియాశ‌లే అయినా త‌మిళ ప‌రిశ్ర‌మ మ‌న తెలుగమ్మాయిని ఆదుకోవం విడ్డూర‌మే!