చిరుకి జోడిగా ప్రపంచ సుందరి ?

పెళ్లయ్యాక గతంలో చేసినంత దూకుడుగా సినిమాలు చేయనప్పటికీ మాజీ ప్రపంచ సుందరిగా హీరోయిన్ గా ఐశ్యర్య రాయ్ అంటే అభిమానుల్లో ఇప్పటికీ ప్రత్యేకమైన స్థానం ఉంది. ఆ మధ్య కం బ్యాక్ కోసం హిందీలో ఏవో రెండు సినిమాలు చేసింది కానీ అవేవి ఆశించిన ఫలితాలు ఇవ్వలేకపోయాయి. అయినా కూడా ఆఫర్స్ కి కొదవ లేని ఐష్ కథ నచ్చితే తప్ప సినిమా చేయడానికి ఒప్పకోదు. డిమాండ్ ఉన్నప్పుడు లేనప్పుడు ఇదే సూత్రాన్ని పాటిస్తోంది.

ఐష్ ఇప్పటిదాకా తెలుగులో స్ట్రెయిట్ మూవీ చేయలేదు. నాగార్జున రావోయి చందమామలో జస్ట్ ఒక స్పెషల్ సాంగ్ చేసింది కానీ అందులో ఒక్క డైలాగ్ కానీ సీన్ కాని ఉండదు . ఆపై కొందరు దర్శక నిర్మాతలు తమ సినిమాలో నటింపజేసేందుకు విశ్వప్రయత్నం చేశారు కాని వర్క్ అవుట్ అవ్వలేదు ఇప్పుడు ఆ కోరిక నెరవేరే ఛాన్స్ ఉందట. మెగాస్టార్ చిరంజీవి హీరోగా కొరటాల శివ దర్శకత్వంలో రూపొందబోయే చిరు 152 కోసం ఒక హీరొయిన్ గా ఐష్ ను తీసుకుందామని ప్లాన్ చేస్తున్నారట.

త్వరలోనే స్టొరీ నేరేషన్ ఉండే ఛాన్స్ ఉందని ఫిలిం నగర్ టాక్. సైరాలో ఐశ్వర్య రాయ్ మావయ్య బిగ్ బి అమితాబ్ బచ్చన్ ఓ కీలక పాత్ర చేశారు. అంతకు ముందు నుంచే మెగా ఫ్యామిలీతో ఆయనకు బాండింగ్ ఉంది. చిరు అడగాలే కాని మీటింగ్ అరేంజ్ చేయడం నిమిషాల్లో పని. మరి ఇది నిజంగా కార్యరూపం దాల్చితే మెగా ఫ్యాన్స్ కు అంతకన్నా గుడ్ న్యూస్ ఏముంటుంది.