ఐతే 2.o కొత్త పోస్టర్ భలే ఉందే!!

ఐతే 2.0 అంటూ ఓ టెక్నాలజీ థ్రిల్లర్ తెరకెక్కుతోంది. గతంలో వచ్చిన ఐతేకు... దీనికి సంబంధం లేకపోయినా.. ఇది ఆ చిత్రాన్ని మరిపిస్తుందని డైరెక్టర్ రాజ్ మదిరాజు ఆంటున్నాడు. టెక్నాలజీతో లాభాలే కాదు, నష్టాలు కూడా ఉన్నాయని ఈ చిత్రం చూపిస్తుందని అంటున్నారు. ఇఫ్పుడీ మూవీకి ఓ పోస్టర్ రిలీజ్ చేశారు.

సినిమా కాన్సెప్ట్ ఏంటో పోస్టర్ లో చెప్పే ప్రయత్నం చేశారు. బ్యాక్ గ్రౌండ్ అంతా సర్క్యూట్ బోర్డ్ లా కనిపిస్తుండగా.. ఫింగర్ ప్రింట్ మధ్యలో ఓ వ్యక్తి, చుట్టూ తిరుగుతున్న నలుగురు కుర్రాళ్లు.. యాక్సెస్ డెనీడ్ అంటూ క్యాప్షన్.. మొత్తం టెక్నాలజీ చుట్టూనే ఉన్న ఈ పోస్టర్ ఆకట్టుకుంటోంది. ఇంద్రనీల్‌ గుప్త - జారా షా - అభిషేక్‌ - కర్తవ్య - మృణాల్‌ - నీరజ్‌ - మృదాంజలి ఐతే 2.0లో నటిస్తున్నారు. ఫర్మ్‌ 9 పతాకంపై విజయ్‌ రామరాజు, హేమంత వల్లపురెడ్డి నిర్మిస్తున్నారు.

ఇంటర్‌నెట్ ఆధారంగా జరుగుతున్న మోసాలు, యువతరంపై దాని ప్రభావం చుట్టూ తిరిగే ఈ సినిమా ఆసక్తికరంగా ఉంటుందని అంటున్నాడు డైరెక్టర్. జీవితంలో ఉన్నత స్థానాలకు చేరుకోవాల్సిన నలుగురు యువకులు.. తమ ప్రతిభను ఎలా దుర్వినియోగం చేశారు.. ఆ నలుగురు టెక్నాలజీతో తమకు సంబంధంలేని నేరంలో ఇరుక్కుని అదే టెక్నాలజీని ఉపయోగించి.. ఆ సమస్య నుంచి ఎలా బయటపడ్డారన్నదే ఐతే 2.0 స్టోరీ. ఇండియాలో వస్తున్న తొలి టెక్నో థ్రిల్లర్ ఇదేనంటున్నారు.