సూపర్‌ హిట్‌ కు సీక్వెల్‌ ప్రకటించిన దర్శకుడు

సరిగ్గా రెండేళ్ల క్రితం ప్రేక్షకుల ముందుకు ఆర్‌ ఎక్స్‌ 100 చిత్రం వచ్చిన విషయం తెల్సిందే. చిన్న చిత్రంగా ప్రేక్షకుల ముందుకు వచ్చిన ఈ చిత్రంకు మాస్‌ ఆడియన్స్‌ తో పాటు అన్ని వర్గాల వారు బ్రహ్మరథం పట్టారు. ఈ చిత్రంలో హీరోగా నటించిన కార్తికేయకు మాస్‌ లో మంచి ఫాలోయింగ్‌ ఏర్పడినది ఇక పాయల్‌ రాజ్‌ పూత్‌ కూడా పలు సినిమాల్లో ఆఫర్లు దక్కించుకుంది. దర్శకుడు అజయ్‌ భూపతి కూడా మంచి పేరు దక్కించుకున్నాడు. ఆయనకు కూడా పలు ఆఫర్లు వచ్చాయి కాని మహాసముద్రం అనే సినిమాను చేసేందుకు ప్రయత్నాలు చేస్తున్నాడు.

ఆర్‌ఎక్స్‌ 100 సినిమా రెండేళ్లు పూర్తి అయిన సందర్బంగా దర్శకుడు అజయ్‌ భూపతి సోషల్‌ మీడియాలో ప్రేక్షకులతో ఇంటరాక్ట్‌ అయ్యాడు. ఈ సందర్బంగా ఆయన సీక్వెల్‌ ను ప్రకటించాడు. ఖచ్చితంగా ఈ సినిమాకు సీక్వెల్‌ ను తీస్తాను. సీక్వెల్‌ స్టోరీ కూడా కార్తికేయకు సూట్‌ అయ్యేలా ఉంటుందని అన్నాడు. స్టోరీ లైన్‌ పై ఇంకా ఎలాంటి నిర్ణయం తీసుకోలేదన్న అజయ్‌ భూపతి తప్పకుండా త్వరలోనే సీక్వెల్‌ ఉంటుందని క్లారిటీగా చెప్పాడు.

ప్రస్తుతం తాను మహాసముద్రం ప్రాజెక్ట్‌ పై వర్క్‌ చేస్తున్నాను. త్వరలోనే ఆ ప్రాజెక్ట్‌ గురించి పూర్తి వివరాలు తెలియజేస్తాను. కొన్ని కారణాల వల్ల అది ఆలస్యం అవుతూ వచ్చింది. త్వరలోనే ఆ సినిమాను సెట్స్‌ పైకి తీసుకు వెళ్తానంటూ అజయ్‌ పేర్కొన్నాడు. మహాసముద్రం తర్వాత ఆర్‌ ఎక్స్‌ 100 సినిమాకు సీక్వెల్‌ చేయబోతున్నట్లుగా ఆయన పేర్కొన్నాడు.

మొదటి పార్ట్‌ కథకు సీక్వెల్‌ గా అన్నట్లుగా కాకుండా పూర్తి విభిన్నమైన కథాంశంతో సీక్వెల్‌ రూపొందే అవకాశం ఉంది. ఎందుకంటే సీక్వెల్‌ కు స్కోప్‌ ఉండేలా మొదటి పార్ట్‌ ఎండ్‌ కాలేదు. కాకపోతే అవే పాత్రలతో కొత్త కథను క్రియేట్‌ చేసే అవకాశం ఉందనిపిస్తుంది. అజయ్‌ భూపతి మళ్లీ ఎలాంటి మ్యాజిక్‌ చేస్తాడో.