మాస్ హీరోను పట్టిన ఆరెక్స్ దర్శకుడు

చాలా తక్కువ బడ్జెట్ తో యూత్ ని ఆకట్టుకునే థీమ్ తో దర్శకుడు అజయ్ భూపతి చేసిన ఆరెక్స్ 100 గత ఏడాది ఎంత సంచలన విజయం సాధించిందో చూసాం. దాని తర్వాత చాలా ఆఫర్లు ఇతగాడిని చుట్టుముట్టినప్పటికీ ఆచితూచి అడుగులు వేసిన అజయ్ భూపతి ఫైనల్ గా బెల్లం హీరోతో లాక్ అయిపోయాడు. ఇవాళ సాయి శ్రీనివాస్ తన పుట్టిన రోజు సందర్భంగా రమేష్ వర్మ సినిమాతో పాటు ఇది కూడా అనౌన్స్ చేసేసారు. నిజానికి అజయ్ భూపతి ఓ సీనియర్ స్టార్ హీరోతో చేస్తాడనే వార్తలు గట్టిగానే ప్రచారంలోకి వచ్చాయి.

అయితే ఆరెక్స్ 100 విడుదలై ఏడు నెలలు అవుతున్నా ఇంకా అతన్నుంచి ఎలాంటి సమాచారం లేకపోవడంతో ఎవరితో ఉంటుందా అన్నే సస్పెన్స్ కొనసాగింది. ఇవాళ్టితో వాటికి చెక్ పడిపోయింది. బెల్లంకొండ సాయి శ్రీనివాస్ ఈ ఏడాది మొత్తం ముగ్గురు దర్శకులతో చేస్తున్నాడు. తేజది ఫినిషింగ్ స్టేజి లో ఉండగా రమేష్ వర్మ మూవీ యాక్షన్ ఎంటర్ టైనర్ గా రూపొందనుంది. అజయ్ భూపతి సినిమా తాలూకు జానర్ మాత్రం రివీల్ చేయలేదు.

బడ్జెట్ విషయంలో శ్రీనివాస్ ఎప్పటిలాగే భారీగా వెళ్తాడా లేక వీటితో ఏమైనా రాజీ మంత్రం ప్రతిపాదించుకుంటాడా చూడాలి. మొత్తానికి ఆరెక్స్ 100 లాంటి ఒక విభిన్నమైన ప్రేమ కథను తెరకెక్కించి మెప్పించిన దర్శకుడితో సాయి శ్రీనివాస్ చేయడం అతనికి ప్లస్ అయ్యేదే - రెగ్యులర్ షూటింగ్ హీరోయిన్ టెక్నికల్ టీమ్ తదితర వివరాలు తెలియాల్సి ఉంది.