బాలీవుడ్‌ డిక్టేటర్‌ కు హీరో కన్ఫాం

న‌ట‌సింహా బాలకృష్ణ‌ హీరోగా శ్రీ‌వాస్ ద‌ర్శ‌క‌త్వంలో డిక్టేట‌ర్ తెర‌కెక్కుతున్న సంగ‌తి తెలిసిందే. ఇటీవ‌లే దిల్లీ షెడ్యూల్ పూర్తి చేసుకుని చిత్ర‌యూనిట్ హైద‌రాబాద్‌ లో అడుగుపెట్టింది. అన్ని ప‌నులు పూర్తిచేసి 2016 సంక్రాంతికి రిలీజ్ చేయాల‌న్న‌ది ప్లాన్‌. శ్రీ‌వాస్ మాంచి స్వింగులో ఉన్నాడు. లౌక్యం లాంటి హిట్టొచ్చాక ఎంతో కేర్‌ఫుల్‌ గా బాల‌య్య‌బాబు కోసం డిక్టేట‌ర్ క‌థ‌ని రెడీ చేసుకున్నాడు. ఇదో యాక్ష‌న్ బేస్డ్ మాస్ మ‌సాలా సినిమా. ఇందులో బాలయ్య‌బాబు యాక్ష‌న్ సంథింగ్ స్పెష‌ల్‌ గా ఉంటుంద‌ని చెబుతున్నారు.

ఇప్ప‌టికే పోస్ట‌ర్‌ కి చక్క‌ని స్పంద‌న వ‌చ్చింది. అయితే డిక్టేట‌ర్ టాలీవుడ్ వ‌ర‌కే ప‌రిమితం కాదు. ఇప్పుడు బాలీ వుడ్ కూడా వెళ్తున్నాడు మ‌రి! డీటెయిల్స్‌ లోకి వెళితే.. ఇటీవ‌లే ఓ ప్ర‌ఖ్యాత బాలీవుడ్ అగ్ర నిర్మాణ సంస్థ ద‌ర్శ‌కుడు శ్రీ‌వాస్‌ ని క‌లిసింది. అత‌డు చెప్పిన డిక్టేట‌ర్ క‌థ విని సూప‌ర్భ్ అంటూ కాంప్లిమెంట్ ఇచ్చింది. యాక్ష‌న్ బేస్డ్ యూఎస్‌ పీతో తెర‌కెక్కుతున్న ఇంట్రెస్టింగ్ స్టోరీ అంటూ కితాబునిచ్చింది. అంతేనా ఈ సినిమాని బాలీవుడ్‌ లో నిర్మిస్తున్నామ‌ని స‌ద‌రు సంస్థ చెప్పిందిట‌. ఈ చిత్రంలో బాలీవుడ్ యాక్ష‌న్ హీరో అజ‌య్ దేవ‌గ‌న్ తో స‌ద‌రు సంస్థ మంత‌నాలు సాగిస్తోంద‌ని టాక్‌.

ఒక‌వేళ అక్క‌డ హీరో ఓకే అయితే శ్రీ‌వాస్ ఇక బాలీవుడ్‌ లో అడుగుపెడుతున్న‌ట్టే. ప్ర‌భుదేవా - మురుగ‌దాస్ త‌ర‌హాలోనే మ‌నోడు కూడా అక్క‌డ త‌న స‌త్తా చాటుకునే స‌ద‌వ‌కాశ‌మిది. ఏం చేస్తాడో చూడాలి మ‌రి.