హీరోయిన్స్ ని అలా వాడుకోవడం లేదు

ప్రస్తుతం ఇండియన్ సిల్వర్ స్క్రీన్ పై కూడా సీక్వెల్స్ కి మంచి ఆదరణ లభిస్తోంది. ఒక కథ మంచి హిట్ అయితే కథను కొనసాగించడానికి దర్శకులు ప్రయత్నాలు చేస్తున్నారు. హీరోలు కూడా మంచి సపోర్ట్ ని ఇస్తూ సినిమాల సిరీస్ ను కొనసాగిస్తున్నారు. మొన్నటి వరకు హాలీవుడ్ లోనే సినిమాలకు సీక్వెన్స్ లు వచ్చేవి కానీ ఇప్పుడు బాలీవుడ్ లో కూడా సీక్వెల్స్ వస్తున్నాయి.

ఇప్పటివరకు మూడు సిరీస్ లతో వచ్చిన గోల్ మాల్ సినిమా ఇప్పుడు నాలుగవ భాగం గోల్ మాల్ ఎగైన్ ప్రేక్షకుల ముందుకు రానుంది. ఈ సందర్బంగా చిత్ర హీరో అజయ్ దేవగన్ మీడియాతో మాట్లాడాడు. సినిమాలో హీరోయిన్లను ఎక్కవగా వల్గర్ జోక్స్ కోసం వాడుకుంటున్నట్లు వస్తున్న కామెంట్స్ కి అజయ్ కౌంటర్ వేశారు. కేవలం అందుకోసం హీరోయిన్లని వాడుకోవడం లేదు. గోల్ మాల్ ఎగైన్ లో హీరోయిన్స్ కి కూడా మంచి పాత్రలు ఉంటాయి. నా సినిమాలు అందరు చూసేలా ఉండాలి అనుకుంటాను. ముఖ్యంగా ఫ్యామిలీ ఆడియెన్స్ ని ఆకట్టుకునేట్లు నా సినిమా ఉండాలని వల్గారిటి జోలికి వెళ్లానని అజయ్ చెప్పాడు.

ఇక గోల్ మాల్ సిరీస్ లలో తనకు పార్ట్ 3 ఏ మాత్రం నచ్చలేదు అంటూ.. ఈ సారి ఆలా కాకూండా అందరికి నచ్చేలా ఇష్టంతో పార్ట్ 4 తీశానని చెప్పాడు. పరిణితి చోప్రా - టబు ఈ సినిమాలో అద్భుతంగా నటించారని చెబుతూ సినిమా ఈ నెల 20న ప్రేక్షకుల ముందు రానున్నట్లు అజయ్ తెలిపాడు. ఇక ఈ సినిమా తెలుగులో కూడా అదే రోజు రిలీజ్ అవుతోంది.