అఖిల్ సినిమాలో విలన్ ఫిక్స్

అక్కినేని అఖిల్ రెండో సినిమా మొదలైపోయింది. ఈ నెల ప్రారంభంలోనే అఖిల్ సెకండ్ ను స్టార్ట్ చేశారు. మొదటి మూవీ అఖిల్ డిజాస్టర్ తర్వాత.. ఏడాదిన్నర పాటు ఎన్నో జాగ్రత్తలు తీసుకుని మరీ.. రెండో చిత్రాన్ని మనం..24 వంటి చిత్రాలకు తీసిన విక్రమ్ కె కుమార్ చేతిలో పెట్టారు అక్కినేని నాగార్జున.

ఇప్పుడీ సినిమాలో నెగిటివ్ కేరక్టర్ కు అజయ్ ను ఎంపిక చేశారు. విక్రమ్ కె కుమార్ కు ఎంతో ఇష్టమైన నటుడు అజయ్. గతంలో ఇష్క్.. 24 చిత్రాలలో కూడా అజయ్ తో కలిసి పని చేశాడు విక్రమ్ కె కుమార్. ఈ రెండు చిత్రాలు అజయ్ కు ఎంతో గుర్తింపుతో పాటు.. కెరీర్ కు కూడా సహకరించాయి. ఇప్పుడు అఖిల్ హీరోగా రూపొందుతున్న చిత్రంలో కూడా అజయ్ కు ఆఫర్ చేసిన కేరక్టర్ చాలా ఇంట్రెస్టింగ్ గా ఉండనుందని తెలుస్తోంది. ఈ పాత్ర గురించి దర్శకుడు చెప్పగానే.. రెండో ఆలోచన లేకుండా సై అనేశాడట అజయ్.

ఇప్పటికే అజయ్ అఖిల్ మూవీ షూటింగ్ లో జాయిన్ కాగా.. మెయిన్ విలన్ కేరక్టర్ ఇది అని తెలుస్తోంది. ఇటు అజయ్ తో పాటు.. అఖిల్ పాత్ర కూడా చాలా ఆసక్తికరంగా ఉంటుందిట. హీరో పాత్రను ఇప్పటి వరకు తెలుగు ఆడియన్స్ చూడని కోణంలో చూపేలా డైరెక్టర్ విక్రమ్ కె కుమార్ సిద్ధం చేశాడని అంటున్నారు. అక్కినేని అభిమానులను థ్రిల్ చేసేలా ఈ చిత్రం ఉంటుందని తెలుస్తోంది.

Like Us on Facebook : https://www.facebook.com/Tupakidotcom/