స్టార్ హీరో బైక్ ట్రిప్.. ఈసారి విదేశాల్లో..

కోలీవుడ్ సినిమా ఇండస్ట్రీలో స్టార్ హీరోలు ఎంత మంది ఉన్నా కూడా వారందరిలో కాస్త భిన్నంగా ఉండే హీరో అజిత్ అని చెప్పాలి. అతనికి ఫ్యాన్ ఫాలోయింగ్ గట్టిగానే ఉంది. అయితే ఫ్యాన్స్ ను ఎప్పుడూ అనవసరమైన హంగామా చేయడానికి ఎంకరేజ్ చేయడు. తన కోసం సమయాన్ని వృధా చేసుకోకుండా ఉండాలి అని అనుకుంటాడు. వారిని కలిసే అలవాటు కూడా చేయలేదు. అయినప్పటికీ ఫ్యాన్స్ అతన్ని పాజిటివ్ గానే అర్థం చేసుకుంటారు.

అజిత్ కనీసం తన సినిమా చూడండి అని కూడా పెద్దగా ప్రమోట్ అయితే చేసుకోడు. వీలైనంతవరకూ సినిమా షూటింగ్ పూర్తి అయితే వెంటనే తన ఫ్యామిలీ లైఫ్ ని ఎంజాయ్ చేస్తూ ఉంటాడు. మరికొంత సమయం మిగిలితే మాత్రం అతని ఫోకస్ మొత్తం ట్రావెలింగ్ పైనే ఉంటుంది. అలాగని కార్లు వేసుకుని అలాగే మిగతా వారిలాగా ఫ్లైట్ లో తిరుగుతూ ఉండకుండా అజిత్ తనకు ఇష్టమైన బైక్ ట్రిప్స్ తో ఎంజాయ్ చేస్తాడు.

బైక్ తీసుకొని వివిధ ప్రాంతాలపై చక్కర్లు కొట్టేస్తూ ఉంటాడు. ఇప్పటికే అతను ఇండియాలో చాలా ముఖ్యమైన ప్రదేశాలు సందర్శించాడు. తన స్నేహితులతో కలిసి హైదరాబాద్ నుంచి తమిళనాడు కూడా చాలాసార్లు వెళ్ళాడు.

అయితే ఇప్పుడు విదేశాల్లో కూడా తన బైక్ ట్రిప్స్ కొనసాగిస్తూ ఉండడం విశేషం. ప్రస్తుతం యూరప్ లో ఉన్న అజిత్ అక్కడ ఖరీదైన బీఎండబ్ల్యూ బైక్ తీసుకొని అందమైన ప్రదేశాలను చుట్టేస్తున్నాడు.

అందుకు సంబంధించిన కొన్ని ఫోటోలు కూడా సోషల్ మీడియాలో వైరల్ అవుతున్నాయి. అజిత్ తెల్ల జుట్టు గడ్డంతో కనిపించాడు. అలాగే అతను నడుపుతున్న బైక్ BMW R1250RT నెంబర్ తో ఉంది, ఇది దూర ప్రయాణాలలో గొప్ప సౌకర్యాన్ని అందిస్తుందని అర్థమవుతొంది. అజిత్ ఒక్కడే కాకుండా తన వెంట కొంత మంది స్నేహితులను కూడా తీసుకు వెళుతూ ఉంటాడు.

ఇక ఇప్పుడు యూరప్లో అతను తనకు నచ్చిన ప్రదేశాలను స్వేచ్ఛగా బైక్ పైన తిరిగేస్తూ ఉన్నట్లు అర్థమవుతోంది. ఇక అజిత్ సినిమాల విషయానికి వస్తే ప్రస్తుతం వలీమై దర్శకుడు హెచ్ వినోథ్ తోనే తన 61వ సినిమా చేయబోతున్నాడు. ఈ ప్రాజెక్ట్ దీపావళికి విడుదల కానుంది. అలాగే అతని లిస్టులో మరికొన్ని పెద్ద ప్రాజెక్టులు కూడా ఉన్నాయి.