కెరీర్ లోనే పెద్ద తప్పు చేసిన పెద్దన్న

రజనీకాంత్ - కమల్ హాసన్ తరువాత మళ్లీ అంత క్రేజ్ తెచ్చుకున్న తమిళ హీరోల్లో అజిత్ కే అగ్ర తాంబుళం దక్కుతుంది. చేసినవి తక్కువ సినిమాలే అయినా, ఎక్కువ శాతం హిట్స్ అజిత్ ఖాతాలో ఉండటంతో ఈ న్యాచురల్ స్టార్ కి కేవలం తమిళంలోనే కాదు సౌత్ ఇండియాలో కూడా ఫ్యాన్ ఫాలోయింగ్ బాగానే ఉంది. అయితే తెలుగులో మాత్రం అజిత్ నటించిన సినిమాలు పెద్దగా ఆడలేదు. అడపదడప హిట్స్ వచ్చినా అవేవి టాలీవుడ్ లో అజిత్ మార్కెట్ ని పెంచలేకపోతున్నాయి. గత రెండు సంవత్సరాలు అజిత్ నటించిన తెలుగు డబ్ సినిమాలు ప్రేక్షకుల్ని అలరించలేకపోతున్నాయి.

తాజాగా విడుదలైన వివేకం కూడా గత మాదిరి ఫలితమే అందుకుంది. అటు తమిళంలో ఇటు తెలుగులో ఈ సినిమాకు డిజాస్టర్ టాక్ రావడంతో బయ్యర్లు దారుణంగా నష్టపోయారని తెలిసింది. మూడు రోజులు తరువాత సినిమా కలెక్షన్స్ లో డ్రాప్ ఉంటుందని భావించిన ట్రేడ్ వర్గాలు షాక్ ఇస్తూ విడుదలైన తరువాత రోజే కనీస వసూళ్లు ఈ సినిమాకు రాకపోడం ఆశ్చర్యం. అజిత్ తన కెరీర్ లోనే ఇలాంటి పూర్ కంటెంట్ ఉన్న కథను ఎంచుకోలేదని, పాత సీసాలో కొత్త పచ్చడి మాదిరి వివేకం ఉందనే కామెంట్స్ సోషల్ మీడియాలో హల్ చల్ చేస్తున్నాయి. మరి ఈ డిజాస్టర్ నుంచి బయటపడటానికి అజిత్ ఎన్నాళ్లు టైమ్ తీసుకుంటాడో చూడాలి.