త‌ళా అజిత్ నుంచి యంగ్ డైరెక్ట‌ర్ కి కాల్!

కోలీవుడ్ లో ర‌జ‌నీకాంత్ త‌ర్వాత అంతటి మాస్ ఫాలోయింగ్ ఉన్న హీరోల జాబితాలో త‌ళా అజిత్ పేరు ఉంది. బాక్సాఫీస్ వ‌ద్ద సునామీ వ‌సూళ్లు సాధించాలంటే త‌ళా సినిమా బ‌రిలో దిగాల్సిందే. ద‌రువు శివ‌తో వ‌రుస‌గా హ్యాట్రిక్ విజ‌యాల‌తో చెల‌రేగిన అజిత్ ప్ర‌స్తుతం హెచ్.వినోద్ ద‌ర్శ‌క‌త్వంలో వాలిమై చిత్రంలో న‌టిస్తున్నాడు.

ఈ సినిమా త‌ర్వాత మ‌రో యువ‌ద‌ర్శ‌కుడితో త‌ళా బిగ్ గేమ్ ప్లాన్ చేశాడ‌ని తెలుస్తోంది. యువ దర్శకుడు కార్తీక్ నరేన్ 22 ఏళ్ళ వయసులో సస్పెన్స్ థ్రిల్లర్ ధ్రువంగల్ పాతినారు (16- తెలుగు) తో తొలిసారిగా తమిళ చిత్ర పరిశ్రమలో సంచలనం సృష్టించారు. తరువాత సందీప్ కిషన్ - అరవింద్ స్వామిలతో `న‌రగసూరన్` అనే చిత్రం చేసినా అది విడుద‌ల‌కు నోచుకోలేదు. తాజాగా కార్తీక్ ‌కు తాళా అజిత్ ‌తో కలిసి పనిచేసే అవ‌కాశం లభించిందని తెలుస్తోంది.

తాజా లీకుల ప్ర‌కారం.. నరేన్ ఇటీవల ఒక ఆసక్తికరమైన స్క్రిప్ట్ తో అజిత్ ‌ను సంప్రదించాడు. ఆ స్క్రిప్ట్ ని అజిత్ ఎంతో ఇష్టపడ్డాడు. పూర్తి బౌండ్ స్క్రిప్ట్ రెడీ చేయాల్సిందిగా న‌రేన్ ని కోరాడు. ఈ ప్రాజెక్ట్ చేయడానికి త‌ళా ఎంతో ఆస‌క్తిగా ఉన్నారట‌. త‌ళా నుంచి న‌రేన్ కి కాల్ వెళ్లింద‌ని కూడా తెలుస్తోంది. ప్ర‌తిదీ అధికారికంగా ఖాయం చేయాల్సి ఉది. `వాలిమై` చిత్రీక‌ర‌ణ పూర్త‌యితే న‌రేన్ సినిమాపై పూర్తిగా దృష్టి సారించే వీలుంద‌ని తెలిసింది.

కార్తీక్ నరేన్ తెర‌కెక్కించిన‌ చివరి చిత్రం `మాఫియా`. ప్రస్తుతం ధనుష్ తో ఓ సినిమా చేస్తున్నాడు. త‌దుప‌రి త‌ళా అజిత్ తో జాక్ పాట్ ద‌క్కిన‌ట్టేన‌న్న విష‌యం కోలీవుడ్ లో వైర‌ల్ గా చ‌ర్చ‌కొచ్చింది.