టాప్ హీరో.. ఏం ఎస్కేప్ అయ్యాడులే

జయలలిత తర్వాత తమిళనాడులో ఇప్పుడు ఆమె పాత్రలోకి ఎవరు వస్తారు? శశికళను పార్టీ కార్యవర్గం ఎంచుకోవడం ద్వారా ఆన్సర్ అయితే దొరికేసింది కానీ.. దీనికి ముందు చాలానే కథలు.. చర్చోపచర్చలు జరిగాయి. ఈ హంగామాలో అజిత్ చాలా ఇంటెలిజెంట్ గా ఎస్కేప్ అయ్యాడంటున్నారు కోలీవుడ్ జనాలు.

తన వారసుడు అజిత్ అంటూ అప్పట్లో జయలలిత వ్యాఖ్యానించేవారనే కామెంట్స్ గతంలో వినిపించేవి. అందుకు కారణాలేంటో.. అందులో నిజానిజాలెంతో తెలియకపోయినా.. అమ్మకు వారసుడు అజిత్ అనే మాట మాత్రం బాగానే చక్కర్లు కొట్టింది. కానీ ఇప్పుడు తమిళ రాజకీయాల్లో అసలు తన పేరు ఎక్కడా వినిపించకుండా అజిత్ ఎలర్ట్ అయిన తీరు అద్భుతం అనే కామెంట్స్ వినిపిస్తున్నాయి. జయలలితను ఎంతగానో ఆరాధిస్తాడు ఈ స్టార్ హీరో. అయితే.. అమ్మ మరణం తర్వాత హుటాహుటిన విదేశాల నుంచి బయల్దేరినా.. ఆఖరి చూపులకు కూడా నోచుకోలేకపోయాడు.

కానీ పొలిటికల్ సర్కిల్స్ లో మాత్రం అజిత్ పేరు చక్కర్లు కొట్టిందట. కానీ ఆ తర్వాత శశికళను కలిసిన అజిత్.. తనకు ఆసక్తి లేదంటూ చెప్పేసి బైటపడిపోయాడట. అవకాశం చేతికి అంది వచ్చినా.. రజినీకాంత్.. విజయ్ కాంత్ లు పాలిటిక్స్ లో ఏం సాధించలేకపోయారనే విషయం మైండ్ లో పెట్టుకునే.. ఇలా ఎంచక్కా రాజకీయ గండం నుంచి తప్పించుకున్నాడని అంటున్నారు కోలీవుడ్ జనాలు.


Like Us on Facebook : https://www.facebook.com/Tupakidotcom/