అజిత్ కొత్త లుక్.. ఈసారి కామెడీ లేదు

తమిళ స్టార్ హీరో అజిత్ కుమార్ లీడ్ రోల్ చేస్తన్న కొత్త సినిమా ‘వివేగం’కు సంబంధించిన ఫస్ట్ లుక్ పోస్టర్ ఆ మధ్య ఎంత చర్చనీయాంశమైందో తెలిసిందే. అందులో అజిత్ సిక్స్ ప్యాక్ లుక్ కామెడీ అయిపోయింది. అది ఒరిజినల్ కాదని.. వీఎఫెక్స్ ద్వారా మానుపులేట్ చేశారని యాంటీ ఫ్యాన్స్ ఆరోపించారు. ఆ చిత్ర యూనిట్ ఈ ప్రచారాన్ని ఖండించినప్పటికీ.. సోషల్ మీడియాలో ఈ లుక్ విషయమై చాలా ట్రోలింగ్ నడిచింది.

జనాల దృష్టిని దీన్నుంచి మళ్లించేందుకు ‘వివేగం’ టీం తర్వాత మరో లుక్ రిలీజ్ చేసింది. మంచు పర్వంతంలో అజిత్ మెషీన్ గన్ పట్టుకుని పోజిస్తున్న ఫొటో అది. కానీ అది కూడా కామెడీనే అయింది. అజిత్ ను ధృవపు ఎలుగుబంటితో పోలుస్తూ ట్రోల్ చేశారు యాంటీ ఫ్యాన్స్. మామూలుగా చూస్తే కూడా ఆ లుక్ కొంచెం కామెడీగానే ఉంది. అజిత్ మామూలుగా కనిపించాడందులో. అతడి చేతిలో ఉన్నది బొమ్మ తుపాకీలా కనిపించింది.

ఐతే ఇప్పుడు కొత్తగా ‘వివేగం’ సినిమా నుంచి మరో లుక్ వదిలారు. దీనికి రెస్పాన్స్ బాగానే ఉంది. ఈసారి ఏదో చేసేయాలని అనుకోకుండా సింపుల్ లుక్ రిలీజ్ చేశారు. అజిత్ సీరియస్ గా.. క్యాజువల్ గా ఉన్న ఈ లుక్ ఆకట్టుకుంటోంది. ఈ లుక్ పాజిటివ్ రెస్పాన్స్ తెచ్చుకోవడం కంటే కూడా ఇంతకుముందు వాటి లాగా కామెడీ కాకపోవడం ‘వివేగం’ టీంకు ఎక్కువ సంతోషాన్నిస్తోంది. ఇంతకుముందు అజిత్ తో వీరం.. వేదాలం సినిమాలు తీసిన శివ దర్శకత్వంలో తెరకెక్కుతున్న ఈ చిత్రంలో కాజల్ కథానాయికగా నటిస్తోంది.

Like Us on Facebook : https://www.facebook.com/Tupakidotcom/