'విశ్వాసం' తెలుగు రైట్స్‌ ఎవ‌రికి?

త‌ళా అజిత్ - ద‌రువు శివ కాంబినేష‌న్ అంటే అంద‌రిలో ఒక‌టే క్యూరియాసిటీ. అటు త‌మిళంలో వ‌రుస‌గా 100కోట్ల క్ల‌బ్ సినిమాల‌తో అద‌ర‌గొట్టేసింది ఈ జోడీ. ఇప్పుడు ఏకంగా డ‌బుల్ హ్యాట్రిక్ పైనా ఈ జోడీ క‌న్నేశారు. ఈ కాంబోలో నాలుగో సినిమా విశ్వాసం ప్ర‌స్తుతం ఆన్‌ సెట్స్ ఉంది. వివేగం బ్యాన‌ర్‌ స‌త్య‌జ్యోతి ఫిలింస్ నిర్మిస్తోంది. ప్ర‌స్తుతం రామోజీ ఫిలింసిటీలో చిత్రీక‌ర‌ణ సాగుతోంది. త్వ‌ర‌లోనే తాజా షెడ్యూల్‌ ని ముగించి చెన్న‌య్‌ లో ఫినిషింగ్ ట‌చ్ ఇవ్వ‌నున్నార‌ని తెలిసింది.

ఇప్ప‌టికే విశ్వాసం ప్రీరిలీజ్ బిజినెస్‌ పై అటు త‌మిళం - ఇటు తెలుగు రెండు చోట్లా ఆస‌క్తిక‌ర చ‌ర్చ సాగుతోంది. వివేగం ఫెయిలైనా ఆ ప్ర‌భావం త‌మిళ్‌ లో ఏం లేదు. అక్క‌డ‌ ప్ర‌ముఖ పంపిణీదారులు రిలీజ్ హ‌క్కులు ఛేజిక్కించుకునేందుకు ఇప్ప‌టికే పోటీప‌డుతున్నార‌ట‌. అయితే తెలుగులో ఆచితూచి బేరాలు ఆడుతున్నార‌ని తెలుస్తోంది. ప్ర‌ముఖ డిస్ట్రిబ్యూష‌న్ సంస్థ‌లు ఈ సినిమాపై ఆస‌క్తిగా ఉన్నా త‌క్కువ రేటుకు కొనుక్కునే దిశ‌గా బేరాలు సాగిస్తున్నార‌ట‌. ఆ మేర‌కు డిస్ట్రిబ్యూష‌న్ వింగ్ లో చ‌ర్చ సాగుతోంది.

అజిత్ ఈ చిత్రంలో ద్విపాత్రాభిన‌యం చేస్తున్నారు. నయనతార కథానాయికగా న‌టిస్తోంది. ఇమ్మాన్ సంగీతం అందిస్తున్నారు. పూర్తి మాస్ ఎంటర్ టైనర్ కావ‌డంతో అంచ‌నాలు భారీగానే ఉన్నాయి. వచ్చే ఏడాది సంక్రాంతి కానుకగా ప్రేక్షకుల ముందుకు రానుంది. అజిత్ - న‌య‌న్ కాంబో `ఆరంభం` తెలుగులోనూ పెద్ద హిట్. అందువ‌ల్ల ఇటువైపు బిజినెస్ ప‌రంగా ఆస‌క్తిక‌ర చ‌ర్చ సాగుతోంది.