'విశ్వాసం' రైట్స్ స్కై ఈజ్ లిమిట్‌!

తళా అజిత్ క‌థానాయ‌కుడిగా ద‌రువు శివ తెర‌కెక్కిస్తున్న `విశ్వాసం` ప్రీబిజినెస్ `స్కై ఈజ్ లిమిట్` అన్న చందంగా సాగ‌డం ప్ర‌స్తుతం కోలీవుడ్ - టాలీవుడ్‌ లో చ‌ర్చ‌కొచ్చింది. అజిత్ - శివ కాంబినేష‌న్ అంటేనే య‌మ క్రేజు. అది బిజినెస్‌ లోనూ క‌నిపిస్తోంద‌న‌డానికి ఇదిగో ఈ తాజా డీల్ ప‌క్కా ఎగ్జాంపుల్.

కేవ‌లం `విశ్వాసం` తమిళనాడు థియేట్రికల్ హక్కులకు ప్రముఖ నిర్మాణ సంస్థ కేజేఆర్ స్టూడియోస్ 48కోట్లు చెల్లించింద‌ని చెబుతున్నారు. ఇక తెలుగు రైట్స్ విష‌యంలోనూ భారీ క్రేజు నెల‌కొంద‌న్న మాటా వినిపిస్తోంది. ప్రస్తుతం `విశ్వాసం` డబ్బింగ్ జ‌రుగుతోంది. ఈ చిత్రంలో అజిత్ ద్విపాత్రాభిన‌యం చేస్తున్నారు. వీరం - వివేగం - ఆరంభం లాంటి బ్లాక్‌ బ‌స్ట‌ర్లు ఈ కాంబో నుంచి రావ‌డంతో అందుకు త‌గ్గ‌ట్టే త‌మిళ‌నాట ఇంత డిమాండ్ నెల‌కొంది. శాటిలైట్ - ఆడియో రైట్స్ - ఇన్‌ ఫిలిం బ్రాండింగ్ రూపంలో దాదాపు 100కోట్ల మేర సాగ‌నుంద‌ని తెలుస్తోంది. ఇక తెలుగు రైట్స్‌ కి భారీ మొత్తాన్ని నిర్మాత‌లు డిమాండ్ చేస్తున్నార‌ని తెలుస్తోంది.

అజిత్ న‌టిస్తున్న భారీ మాస్ యాక్షన్ ఎంటెర్ టైనర్ ఇది. మునుప‌టిలానే పండిన గ‌డ్డం.. మాసిన జుత్తు.. తెల్ల పంచెక‌ట్టుతో అజిత్ కాస్తంత ర‌గ్గ్‌డ్‌ గానే క‌నిపించ‌నున్నాడు. ఈచిత్రంలో నయనతార కథనాయికగా నటిస్తుంది. ఇమాన్ సంగీతం అందిస్తున్నారు. సత్యజ్యోతి ఫిలిమ్స్ సంస్థ ఈ చిత్రాన్ని నిర్మిస్తోంది. సంక్రాంతి బ‌రిలో బాల‌కృష్ణ‌ - రామ్ చ‌ర‌ణ్ సినిమాల‌క ఠ‌ఫ్ కాంపిటీష‌న్‌ ఇచ్చే చిత్ర‌మిద‌ని అంతా భావిస్తున్నారు.