ఇండిపెండెన్స్ డే రేసులో 'వివేకం'

ఇప్పుడు రాబోతున్న నెల సినీ అభిమానులుకు మంచి పసందు అనే చెప్పాలి. కొన్ని కారణాల వలన కొన్ని స్టార్ సినిమాలు జూలై నుండి ఆగష్టుకు మార్చడం జరిగింది. ఆగష్టులో చాలమంది యంగ్ హీరోలు సినిమాలు విడుదలకు సిద్దంగా ఉన్నాయి. మన వాళ్ళకి ఇవి సరిపోవు ఏమో అని తెలుగు అభిమానులు బోనస్ సినిమాలుగా తమిళ్ స్టార్ సినిమాలు కూడా ఇదే మాసంలో విడుదల కాబోతున్నాయి. తమిళ్ అభిమానులుకు అత్యంత ఇష్టమైన హీరో అజిత్ కుమార్ సినిమా కూడా ఆగష్టు నెలలోనే విడుదలకు సిద్దమైంది.

అజిత్ కొత్త సినిమ ‘వివేగం’ తమిళనాడుతో పాటుగా తెలుగులోను విడుదల అవుతుంది. ఇప్పటికే ఈ సినిమా పాటలు, ట్రైలర్ చేసిన హోరు సినీ అభిమానులను ఆకట్టుకొంది అలాగనే ఇండస్ట్రి వర్గాలులలోను ఉత్కంఠను రేపింది. సినిమా టీజర్ విడుదలైనప్పటి నుండి అజిత్ యాక్షన్ పై ఆయన స్టైలిష్ లుక్ పై చర్చలు మొదలైయాయి. శివ డైరక్షన్ లో వస్తున్న ఈ స్పై థ్రిల్లర్ తమిళ్ సినిమా తెలుగు రైట్స్ కూడా మంచి బిజినెస్ చేసింది. ఇప్పటి వరకు అజిత్ కుమార్ సినిమాలలో అన్నింటి కన్నా ఎక్కువగా 4.50 కోట్లుకు కొనడం జరిగింది. ఒక డబ్బింగ్ సినిమాకు ఈ సంఖ్య వచ్చింది అంటే తెలుగులో కూడా ఎంతటి ఆసక్తి ఉందో ఈ సినిమా పై అనేది అర్ధం అవుతుంది. కాకపోతే సినిమా రిలీజైతే కాని అది ఆసక్తా లేదంటే ప్రొడ్యూసర్లు అత్యాశా అనేది తెలిసేది.

ఈ సినిమాకు సంబంధించి సెన్సర్ పనులు కూడా సోమవారంతో పూర్తి అవుతాయి అని చెబుతున్నారు వివేగం టీమ్. సెన్సర్ పనులు కాగానే ఇంకా ప్రమోషన్ పనులు మొదలెడతారట. ఇప్పటికే రాక్ మ్యూజిక్ తరహాలో అనిరుధ్ చేసిన ఒక పాట మంచి హిట్ అయ్యింది. ఈ సినిమాలో అజిత్ కు జంటగా కాజల్ అగర్వాల్ నటిస్తుంది. ఈ చందమామ కాకుండా మరో యంగ్ హీరోయిన్ అక్షర హాసన్ ఒక ముఖ్య పాత్రలో నటిస్తుంది. వివేక్ ఒబెరాయ్ ఈ సినిమాలో ప్రతి నాయకుడు పాత్రలో కనిపించనున్నాడు. మరి ఆగస్టు 10న ఇండిపెండెన్స్ డే వీకెండ్ క్యాష్‌ చేసుకోవడానికి తెలుగు ''వివేకం'' దిగుతోందట. అది సంగతి.