ఆకాశ్ అంబానీ ప్రీ వెడ్డింగ్‌..స్విస్‌ కు చేరిన బాలీవుడ్‌

రిలయన్స్ ఇండస్ట్రీస్ అధినేత ముఖేశ్ అంబానీ ఇంట వివాహం అంటే ఎంత అంగ‌రంగ వైభ‌వంగా ఉంటుందో తెలియ‌నిది కాదు. . ఇటీవలే ముంబైలో ముకేశ్ కూతురు ఈషా పెళ్లి కూడా ఘనంగా జరిగిన సంగతి తెలిసిందే. అంతే అట్ట‌హాసంగా మ‌రోవివాహం జ‌ర‌గ‌నుంది. ముఖేశ్ అంబానీ పెద్ద కుమారుడు అకాశ్ అంబానీ - ప్రముఖ పారిశ్రామికవేత్త - వజ్రాల వ్యాపారి రస్సెల్ మెహతా కుమార్తె శ్లోకా మెహతా ఓ ఇంటి వారు కానున్న సంగ‌తి తెలిసిందే. అయితే, ఈ వివాహానికి ముందే అంబానీల ఆర్భాటం మీడియా దృష్టిని ఆక‌ర్షిస్తోంది.

ఆకాశ్ - శ్లోకా వివాహం వ‌చ్చే మార్చి 9న ముంబైలో జ‌ర‌గ‌నుంది. గత సంవత్సరం ఫ్యామిలీ మెంబర్స్ సమక్షంలో ఆకాశ్ - శ్లోకా నిశ్చితార్థం ఘనంగా జరిగింది. ఆకాశ్ మొదటి పెళ్లి పత్రికను ముంబైలోని సిద్ధివినాయకుడి గుడిలో పెట్టి ముకేశ్ - నీతా పూజలు చేశారు. దీని అనంత‌రం ప్రముఖ సింగర్ ఫాల్గుని పతక్ పర్‌ ఫార్మెన్స్‌ తో ఆకాశ్ పెళ్లి వేడుకలు కొన్ని రోజుల కింద ప్రారంభమయ్యాయి. ఈ వేడుక‌కు కొన‌సాగింపుగా - పెళ్లి కంటే ముందు తన స్నేహితుల కోసం - బాలీవుడ్ ప్రముఖుల కోసం ముకేశ్.. ప్రీవెడ్డింగ్ పార్టీని స్విట్జర్లాండ్‌ లో ఏర్పాటు చేశారు. మూడు రోజుల పాటు సాగే ఈ పార్టీ స్విట్జ‌ర్లాండ్‌ లోని పిక్చర్‌ స్క్యూ సెయింట్ మోరిట్జ్‌ లో పార్టీ జరగనుంది. ఈ వేడుక‌ల్లో అల‌రించేందుకు బాలీవుడ్ అంతా స్విట్జ‌ర్లాండ్ క‌దిలింది.

స్విట్జర్లాండ్‌ లో జరగనున్న ఆకాశ్ - శ్లోకా ప్రీ వెడ్డింగ్ ప్రీ వెడ్డింగ్ పార్టీకి బాలీవుడ్ ప్ర‌ముఖులు క‌దిలారు. అలియా భట్ అండ్ రణ్‌బీర్ కపూర్ - మలైక అరోరా అండ్ అర్జున్ కపూర్ ఆకాశ్ ప్రీ వెడ్డింగ్ పార్టీకి స్విస్‌ కు వెళ్లారు. వీళ్లే కాదు.. కరణ్ జోహార్ - అయాన్ ముఖర్జీ - నటాషా - అడార్ పూనవల్లా కూడా స్విస్‌ కు వెళ్లారట. వీళ్లంతా ముంబై ఎయిర్‌ పోర్ట్‌ లో పాప్పరాజీ కంట పడ్డారు. ఇప్పటికైతే వీళ్లు వెళ్లినట్టు తెలుస్తోంది. కానీ.. పాప్పరాజీ కంట పడకుండా స్విస్‌ కు చాలామంది బాలీవుడ్ ప్రముఖులు వెళ్లినట్టు స‌మాచారం.