ఫోటో స్టోరి: త‌డిపొడి త‌ప‌న‌ల త‌మ‌కం

అమ్మాయి- అబ్బాయి మ‌ధ్య రొమాన్స్ ని ఎలివేట్ చేయాలంటే పూరి త‌ర్వాత‌నే. ఘాటైన రొమాన్స్ తో బోల్డ్ గా ఉన్నా కానీ క‌న్విన్సింగ్ గా ఆ స‌న్నివేశాన్ని పండిస్తాడు. థియేట‌ర్ల‌లో సెగ‌లు పుట్టించ‌డం ఎలానో డాషింగ్ క‌మ‌ర్షియ‌ల్ డైరెక్ట‌ర్ పూరీకే చెల్లింది. అయితే ఈసారి త‌ను ద‌ర్శ‌క‌త్వం వ‌హించ‌క‌పోయినా.. శిష్యుడు అనీల్ పాడూరి ద‌ర్శ‌క‌త్వం వ‌హిస్తున్న రొమాంటిక్ సినిమాలోనూ రొమాన్స్ కంటెంట్ ఏమాత్రం త‌క్కువ కాకుండా జాగ్ర‌త్త ప‌డుతున్నాడు అనేందుకు ఇప్ప‌టికే రిలీజైన పోస్ట‌ర్లు ప్ర‌త్య‌క్ష సాక్ష్యం. ర‌చ‌యిత కం నిర్మాత పూరీనే కాబ‌ట్టి రొమాన్స్ కంటెంట్ కి ఏమాత్రం కొద‌వ లేద‌నేందుకు ఇదిగో ఇదే మ‌రో ప్రూఫ్‌.

తాజాగా ఆకాష్ పూరి న‌టిస్తున్న రొమాంటిక్ నుంచి కొత్త పోస్ట‌ర్ ని రివీల్ చేసింది పూరి-చార్మి బృందం. ఈ పోస్ట‌ర్ లో హాట్ హీరోయిన్ కేతికా శర్మతో ఆకాశ్ రొమాన్స్ పీక్స్ లో ఉంది. ఇంత‌కుముందు బ్యాక్ లెస్ లో క‌నిపించిన కేతిక ఈసారి త‌డిపొడి అందాల‌తో క‌వ్విస్తోంది. అది బికినీ బీచ్ సెల‌బ్రేష‌నా లేక ఇంకేదైనానా అన్న‌ది తెలియాలంటే ఈ శ‌నివారం సాయంత్రం వ‌ర‌కూ వేచి చూడాల్సిందే. ఈసారి గోవా బీచ్ లో అదిరిపోయే రొమాంటిక్ స‌న్నివేశాల్ని అనీల్ - పూరి బృందం తెర‌కెక్కించిన సంగ‌తి తెలిసిందే.

రొమాంటిక్ చిత్రం నుంచి `నువ్వు నేను ఈ క్ష‌ణం..` లిరిక‌ల్ వీడియో ఈ శ‌నివారం 5పీఎం రిలీజ‌వుతోంది. ఈ పాట‌లో పూరి మార్క్ ఘాటైన రొమాన్స్ ని అభిమానులు చూడొచ్చనేందుకు ఈ పోస్ట‌ర్ సిగ్న‌ల్ ఇచ్చింది. ఇక టైటిల్ కి త‌గ్గ‌ట్టే సినిమా ఆద్యంతం ఆకాష్ పూరి రొమాన్స్ ఏ రేంజులో ఉండ‌బోతోందో ఊహించ‌వ‌చ్చు. ఉత్త‌రాది గాళ్ కేతిక యువ‌హీరో ఆకాష్ తో రొమాన్స్ లో ఎంత‌గా ఒదిగిపోతోందో ఈ పోస్ట‌ర్లు చెప్ప‌క‌నే చెబుతున్నాయి సుమీ!