బాలయ్యపై 'అఖండ' హీరోయిన్ క్రేజీ కామెంట్స్..!

టాలీవుడ్ బ్లాక్ బస్టర్ కాంబినేషన్ నందమూరి బాలకృష్ణ - దర్శకుడు బోయపాటి శీను.. కలిసి సింహా, లెజెండ్‌ మూవీస్ అనంతరం మూడో సినిమాతో ప్రేక్షకుల ముందుకు రావడానికి సిద్ధం అవుతున్న విషయం తెలిసిందే. ఇప్పటికే బాలయ్య ఫస్ట్ లుక్ ప్రోమో అలాగే అఖండ టీజర్ సినీ ప్రేక్షకులలో.. నందమూరి అభిమానులలో మూవీ పై భారీ అంచనాలు సెట్ చేసింది. సింహా - లెజెండ్ మాదిరిగానే ఈ సినిమాలో కూడా బాలయ్య రెండు భిన్నమైన పాత్రలో కనిపించనున్నాడట. బాలయ్యకు అఖండ 106వ మూవీ కావడం విశేషం. ఈ సినిమాలో బాలయ్య సరసన కంచె ఫేమ్ ప్రగ్యాజైస్వాల్ హీరోయిన్ గా నటిస్తోంది.

అయితే తాజాగా అమ్మడు అఖండ సినిమాకు సంబంధించిన మీడియాతో పలు విషయాలను షేర్ చేసుకుంది. ముందుగా ప్రగ్యా బాలయ్య గురించి మాట్లాడింది. ఆమె మాట్లాడుతూ.. 'బాలయ్య సార్ తో పనిచేయడం అద్భుతంగా ఉంది. ఎందుకంటే సెట్ లో ఆయనెప్పుడూ పవర్ హౌస్ లా పాజిటివ్ వాతావరణం క్రియేట్ చేస్తారు. సినిమాలో చేరకముందు ఆయన గురించి చాలా విన్నాను. కొంచం భయం వేసింది. కానీ తీరా సెట్స్ కి వెళ్ళాక ఆయన మాతో పాటే ఛిల్ల్ అవుతూ జోక్స్ వేస్తూ సరదాగా ఉండటం ఆశ్చర్యం వేసింది' అంటూ ఆసక్తికరమైన కామెంట్స్ చేసింది. అయితే ఇదివరకు డైరెక్టర్ బోయపాటితో ప్రగ్యా.. 'జయజానకి నాయక' అనే సినిమాలో వర్క్ చేసింది.

ప్రగ్యా బోయపాటి గురించి కూడా ప్రగ్యా ఇదివరకు పలు విషయాలు షేర్ చేసుకుంది. "నేను ఇదివరకే ఆయనతో వర్క్ చేసాను. అందుకే ఈ సినిమాలో వర్క్ చేయడం ఈజీగా ఉంది. డైరెక్టర్ గారి విజన్, కన్విక్షన్, సీన్స్ పై ఫుల్ క్లారిటీగా ఉంటారు. ఎల్లప్పుడూ టీమ్ ను మోటివేట్ చేస్తుంటారు. డైరెక్టర్ మోటివేషన్ వలనే మేమంతా బెటర్ అవుట్ ఫుట్ ఇవ్వడానికి ట్రై చేస్తున్నాము" అంటూ చెప్పుకొచ్చింది ప్రగ్యా. అయితే అఖండ సినిమా తనకు ఎంతో ప్రత్యేకమని అంటోంది. ఎందుకంటే.. కోవిడ్ లాక్డౌన్ అనంతరం ప్రగ్యా నటిస్తున్న ఫస్ట్ సినిమా ఇదే. ప్రస్తుతం రెండు సినిమాలను చేస్తున్నట్టుగా తెలిపింది ప్రగ్యా. చూడాలి మరి సక్సెస్ అందుకుంటుందేమో..
ఈ సినిమాని మిర్యాల రవీందర్ రెడ్డి నిర్మిస్తుండగా తమన్ సంగీతం అందిస్తున్నాడు.