బక్కచిక్కిన బ్యూటీతో 'అఖండ' ఐటమ్ సాంగ్..?

నందమూరి బాలకృష్ణ - బోయపాటి శ్రీను కాంబినేషన్ లో తెరకెక్కుతున్న యాక్షన్ ఎంటర్టైనర్ ''అఖండ''. 'సింహా' 'లెజెండ్' వంటి సూపర్ హిట్ సినిమాల తర్వాత వీరి కలయికలో వస్తున్న ఈ హ్యాట్రిక్ మూవీపై భారీ అంచనాలు నెలకొన్నాయి. వాటికి ఏమాత్రం తగ్గకుండా బోయపాటి ఈ చిత్రాన్ని తెరకెక్కిస్తున్నారని తెలుస్తోంది.

బాలకృష్ణ ద్విపాత్రాభినయం చేస్తున్న 'అఖండ' చిత్రంలో నందమూరి అభిమానులు ఏమేమి ఆశిస్తారో అన్ని అంశాలు ఉండేలా చూసుకుంటున్నారు. ఇందులో యాక్షన్ ఎపిసోడ్స్ - బాలయ్య శైలి డైలాగ్స్ కు కొదవలేదని ఇప్పటికే విడుదలైన ప్రమోషనల్ కంటెంట్ తో అర్థం అయింది. అలానే ఫ్యాన్స్ ను మరింత ఉత్సాహపరచడానికి ఓ ఐటమ్ సాంగ్ ను ప్లాన్ చేస్తున్నట్లు తెలుస్తోంది.

మాస్ ఆడియన్స్ ను ఉర్రూతలూగించేలా బోయపాటి 'అఖండ' లో ఈ స్పెషల్ సాంగ్ ని ప్లాన్ చేస్తున్నారట. దీని కోసం టాలీవుడ్ రత్తాలు రాయ్ లక్ష్మీ ని తీసుకోనున్నారని టాక్. లక్ష్మీ రాయ్ గతంలో బాలకృష్ణ సరసన 'అధినాయకుడు' చిత్రంలో హీరోయిన్ గా నటించిన సంగతి తెలిసిందే. ఇప్పుడు బక్కచిక్కిపోయి మరింత గ్లామరస్ గా కనిపిస్తున్న రాయ్ లక్ష్మీ మరోసారి బాలయ్యతో ఆడిపాడనుందని అంటున్నారు.

టాలీవుడ్ లో స్పెషల్ సాంగ్స్ తో క్రేజ్ తెచ్చుకున్న ఈ ఐటమ్ భామకు బాలయ్య రికమెండేషన్ కూడా ఉందని టాక్. మరి 'అఖండ‌'లో రాయ్ ల‌క్ష్మీ కోసం థమన్ దగ్గర నుంచి బోయపాటి ఎలాంటి మాస్ నెంబ‌ర్ ని పిండుకుంటాడో చూడాలి. కాగా, మిర్యాల రవీందర్‌ రెడ్డి నిర్మిస్తున్న ఈ చిత్రంలో ప్రగ్యా జైస్వాల్‌ - పూర్ణ హీరోయిన్లుగా నటిస్తున్నారు.