బాలయ్య సినిమాకి ఫేక్ కలెక్షన్స్?

నందమూరి బాలకృష్ణ హీరోగా తెరకెక్కిన అఖండ సినిమా 2021 డిసెంబర్ నెలలో విడుదల సూపర్ హిట్ గా నిలిచిన సంగతి తెలిసిందే. హిందూత్వానికి దగ్గరగా ఉండటంతో ఈ సినిమాని అప్పట్లోనే నార్త్ ప్రేక్షకులు చూసి ఎందుకో విపరీతమైన ఆసక్తి కనబరిచారు. అయితే ఎందుకో ఏమో ఆ సినిమా విడుదలైన ఏడాది తర్వాత హిందీలో రిలీజ్ చేశారు. పెన్ స్టూడియోస్ బ్యానర్ మీద జయంతి లాల్ గడ ఈ సినిమాని హిందీలో రిలీజ్ చేశారు.

బోయపాటి శ్రీను దర్శకత్వంలో నందమూరి బాలకృష్ణ హీరోగా నటించిన ఈ సినిమాలో ప్రగ్యా జైస్వాల్ హీరోయిన్ గా నటించింది. శ్రీకాంత్ విలన్ పాత్రలో నటించారు. అయితే హిందుత్వ అజెండాతో ఉన్న కాంతార, కార్తికేయ 2 వంటి సినిమాల బాటలోనే ఈ సినిమా కూడా నార్త్ లో బ్లాక్ బస్టర్ హీట్ అవుతుందని అందరూ భావించారు. దానికి తగినట్లుగానే మొదటి రోజు కలెక్షన్స్ కూడా దాదాపుగా ఏడు కోట్ల గ్రాస్ వచ్చాయని అంటూ పెద్ద ఎత్తున ప్రచారం జరిగింది. అయితే అది నిజం కాదని అంటున్నారు.

కావాలనే ఆ కలెక్షన్స్ ని పెంచి చెబుతున్నారనే వాదన వినిపిస్తోంది. ఎందుకంటే శనివారం నాడు టికెట్ బుకింగ్స్ ఓపెన్ చేస్తే నార్త్ లో ఉన్న దాదాపు ప్రధాన నగరాలు అన్నింటిలో ఈ సినిమాకి బుకింగ్స్ పెద్దగా నమోదు కాలేదు. ఐదు నుంచి 10% ఆక్యుపెన్సి కూడా నమోదు అవ్వలేదు. అలాంటిది ఈ సినిమా మొదటి రోజు ఏడు కోట్ల గ్రాస్ కలెక్షన్స్ వసూలు చేసింది అంటే నమ్మడం కష్టమే.

నిజానికి నార్త్ బెల్ట్ లో ఉన్న బాయ్ కాట్ గ్యాంగ్ అంతా అఖండ సినిమా మీద ఆసక్తి చూపిస్తోంది. హిందుత్వం అజెండాతో తెరకెక్కిన ఈ సినిమా అక్కడి వారందరికీ బాగా నచ్చేయడంతో వారు కాస్త కలెక్షన్లు ఫేక్ చేసి సోషల్ మీడియాలో వైరల్ చేస్తున్నట్లు తెలుస్తోంది. ఇక ఈ విషయం తెలియని బాలయ్య అభిమానులు కూడా నిజంగానే ఏడు కోట్ల గ్రాస్ కలెక్ట్ చేసిందని వారు కూడా వైరల్ చేస్తున్నారు కానీ సినిమా వసూళ్ళ పరంగా అంత కలెక్ట్ చేయలేదని తెలుస్తోంది.