బాలయ్య 'అఖండ' ఓటీటీ ఇంట్రెస్టింగ్ అప్‌డేట్‌

నందమూరి బాలకృష్ణ.. బోయపాటిల కాంబోలో రూపొందిన అఖండ సినిమా విడుదలకు సిద్దంగా ఉంది. ఏ సమయంలో అయినా సినిమా ప్రేక్షకుల ముందుకు వచ్చే అవకాశాలు ఉన్నాయి. ఇప్పటికే సినిమాకు సంబంధించిన ప్రమోషనల్ కార్యక్రమాలు మొదలు అయ్యాయి. పాటలు విడుదల అవుతున్నాయి.. సినిమా టీజర్ మరియు పోస్టర్ లు విడుదల అయిన తర్వాత సినిమాపై అంచనాలు మరింతగా పెరుగుతున్నాయి. ఈ సినిమా విడుదల తేదీ విషయంలో ఇంకా క్లారిటీ ఇవ్వలేదు.. కాని ఇప్పటికే సినిమాకు మంచి బిజినెస్ అయినట్లుగా మాత్రం వార్తలు వస్తున్నాయి. పెద్ద ఎత్తున సినిమాను సీడెడ్‌ మరియు ఆంద్రాల్లో ప్రముఖ నిర్మాతలు కొనుగోలు చేశారని టాలీవుడ్ వర్గాల టాక్.

తాజాగా ఈ సినిమా ఓటీటీ బిజినెస్ కూడా పూర్తి అయ్యింది. ప్రముఖ ఓటీటీ సంస్థలు ఈ సినిమాను కొనుగోలు చేసేందుకు ముందుకు వచ్చాయి. కొన్ని ఓటీటీ లు డైరెక్టర్ విడుదలకు కూడా కొనుగోలు చేసేందుకు ముందుకు వచ్చాయట. కాని థియేటర్ రిలీజ్ తర్వాత మాత్రమే ఓటీటీ రిలీజ్ కు ఇస్తామని నిర్మాతలు చెప్పడం జరిగిందట. విశ్వసనీయంగా అందుతున్న సమాచారం ప్రకారం భారీ మొత్తానికి పోస్ట్‌ థియేట్రికల్‌ స్క్రీనింగ్ ఓటీటీ రైట్స్ ను డిస్నీ ప్లస్ హాట్‌ స్టార్ వారు కొనుగోలు చేయడం జరిగింది. ఈమద్య కాలంలో ఓటీటీ రైట్స్ కు మంచి డిమాండ్‌ ఉంది. తెలుగు లో ఓటీటీలకు మంచి మార్కెట్‌ ఏర్పడింది. అందుకే ఈ సినిమాను కూడా భారీ మొత్తానికి కొనుగోలు చేయడం జరిగిందని అంటున్నారు.

సింహా మరియు లెజెండ్‌ వంటి బిగ్గెస్ట్‌ బ్లాక్ బస్టర్ సినిమాల తర్వాత బాలయ్య బోయపాటిల కాంబోలో రాబోతున్న సినిమా అవ్వడం వల్ల అంచనాలు ఆకాశమే హద్దు అన్నట్లుగా ఉన్నాయి. అంచనాలు ఏమాత్రం తగ్గకుండా ఈ సినిమాను భారీ ఎత్తున తెరకెక్కించిన బోయపాటి శ్రీను అదే రేంజ్ లో సినిమా విడుదల చేయబోతున్నారు. ఈ సినిమాలో బాలయ్యకు జోడీగా కంచె బ్యూటీ ప్రగ్యా జైస్వాల్‌ నటించింది. పూర్ణ కీలక పాత్రలో కనింపించబోతుంది. శ్రీకాంత్‌ మొదటి సారి పూర్తి స్థాయి నెగటివ్‌ షేడ్స్ ఉన్న పాత్రలో ఈ సినిమాలో కనిపించబోతున్నాడు. లెజెండ్‌ సినిమాతో జగపతిబాబుకు సెకండ్‌ ఇన్నింగ్స్ మొదలు అయ్యింది. ఇప్పుడు ఈ సినిమా తో శ్రీకాంత్‌ కు విలన్ గా సెకండ్ ఇన్నింగ్స్ మొదలు అవుతుందని అంతా అంటున్నారు.