వైజాగ్ లో 'అఖండ' గ‌ర్జ‌నోత్స‌వం!

న‌ట‌సింహా నంద‌మూరి బాలకృష్ణ‍‍‍- బోయపాటి శ్రీను కాంబినేషన్ లో వచ్చిన హ్యాట్రిక్ చిత్రం అఖండ అన్ని థియేటర్లలో విజయవంతంగా రన్ అవుతోంది. భారీ మాస్ యాక్షన్ డ్రామా పలు ప్రాంతాల్లో ప్రాఫిట్ జోన్ లోకి ప్రవేశించింది. 100 కోట్ల వ‌సూళ్ల దిశ‌గా అఖండ దూసుకెళుతోంద‌ని చిత్ర‌యూనిట్ సంబ‌రాల్లో ఉంది. ఈ నేపథ్యంలో రేపు వైజాగ్ లో గ్రాండ్ సక్సెస్ ఈవెంట్ ను నిర్వహిస్తున్నట్లు మేకర్స్ ప్రకటించారు.

వైజాగ్ ఎంజీఎం గ్రౌండ్స్ లో `అఖండ` గ‌ర్జ‌నోత్స‌వం (రోరింగ్ బ్లాక్ బ‌స్ట‌ర్) జ‌ర‌గ‌నుంది. ఉడాపార్క్ ప‌రిస‌రాల్లో ఉన్న ఈ వేదిక వ‌ద్ద‌కు వేలాదిగా ఫ్యాన్స్ అటెండ‌య్యే అవ‌కాశం ఉంది. సాయంత్రం 6 నుంచి బాల‌య్య అభిమానులు వేదిక వ‌ద్ద సంద‌డి చేస్తారు. ఈ వేడుకలకు అఖండ టీమ్ మొత్తం హాజరవుతారు.

సింహా- లెజెండ్ త‌ర్వాత చాలా గ్యాప్ వ‌చ్చినా బోయ‌పాటి త‌న ప్రామిస్ నిల‌బెట్టుకుంటూ బాల‌య్య బాబుకు హ్యాట్రిక్ విజ‌యాన్ని అందించారు. దీనికోసం బోయ‌పాటి టీమ్ క‌ఠోరంగా శ్ర‌మించిన సంగ‌తి తెలిసిందే.. తాజా రిజ‌ల్ట్ తో బోయ‌పాటికి బ‌న్నీతో మూవీకి లైన్ క్లియ‌రైన‌ట్టేన‌న్న టాక్ వినిపిస్తోంది. స‌రైనోడు త‌ర్వాత మ‌రోసారి బోయ‌పాటి - బ‌న్నీ నుంచి అదిరిపోయే మాస్ యాక్ష‌న్ ఎంట‌ర్ టైన‌ర్ ని అభిమానులు ఆశించ‌వ‌చ్చు.