అఖిల్ 'ఏజెంట్' షూటింగ్ డేట్..?

అక్కినేని యంగ్ హీరో అఖిల్.. మోస్ట్ ఎలిజిబుల్ బ్యాచిలర్ సినిమా తర్వాత ఓ భారీ క్రేజీ ప్రాజెక్ట్ అనౌన్స్ చేసిన సంగతి తెలిసిందే. ఏజెంట్ అనే టైటిల్ తో తెరకెక్కనున్న ఈ స్పై యాక్షన్ థ్రిల్లర్ మూవీని డైరెక్టర్ సురేందర్ రెడ్డి రూపొందిస్తున్నాడు. ఇటీవలే అఖిల్ పుట్టినరోజు సందర్బంగా ఏజెంట్ సినిమాను ప్రకటించారు మేకర్స్. దాదాపు రెండేళ్ల తర్వాత డైరెక్టర్ సురేందర్ రెడ్డి నుండి ఏజెంట్ సినిమా ప్రారంభం కాబోతుంది. అయితే ఈ నెలలోనే షూటింగ్ మొదలు పెట్టాలని అనుకున్నారు కానీ కరోనా కారణంగా అది కుదరలేదు. అసలే దేశంలో కరోనా వేగంగా విస్తరిస్తుంది. ప్రతిరోజూ లక్షల్లో కరోనా కేసులు నమోదు అవుతున్నాయి.

ఈ తరుణంలో ఏజెంట్ బృందం నుండి షూటింగ్ గురించి తాజాగా అప్డేట్ వచ్చినట్లు తెలుస్తుంది. ఏజెంట్ షూటింగ్ మే 2న గోవాలో ప్రారంభించనున్నట్లు సినీవర్గాలు చెబుతున్నాయి. గోవాలో షెడ్యూల్ వీలైనంత త్వరగా ముగించుకొని దేశంలోని వివిధ ప్రదేశాలలో షూటింగ్ పూర్తిచేయాలనీ ఆలోచనలో ఉన్నారట. అనంతరం కరోనా పరిస్థితులు బట్టి విదేశాలకు వెళ్లనున్నట్లు టాక్. ఈ సినిమాకు వక్కంతం వంశీ కథను అందించగా.. అనిల్ సుంకర భారీ బడ్జెట్ తో నిర్మిస్తున్నాడు. తమన్ సంగీతం అందించనున్నాడు. ఈ సినిమాతో నూతన హీరోయిన్ సాక్షి వైద్య టాలీవుడ్ ఇండస్ట్రీకి పరిచయం కాబోతుంది. ఇదిలా ఉండగా.. అఖిల్ నటించిన మోస్ట్ ఎలిజిబుల్ బ్యాచిలర్ మూవీ విడుదలకు సిద్ధం అవుతోంది.