వీడియో : గుర్రంపై స్వారీ చేస్తున్న 'ఏజెంట్‌'

అక్కినేని ప్రిన్స్ అఖిల్ ప్రస్తుతం సురేందర్ రెడ్డి దర్శకత్వంలో రూపొందుతున్న ఏజెంట్‌ సినిమా షూటింగ్‌ లో ఉన్నాడు. ఇప్పటికే ఈ సినిమాలో అఖిల్‌ లుక్ ఎలా ఉంటుందా అంటూ అంతా ఆసక్తిగా ఎదురు చూస్తున్నారు. కండలు పెంచిన అఖిల్‌ ఇప్పటికే కొన్ని ఫొటోలను షేర్‌ చేసి బాబోయ్‌ అనిపించాడు. అమ్మాయిల గుండెల్లో గుబులు రేపే విధంగా ఆయన లుక్ ఉంది అనడంలో సందేహం లేదు. ఆయన కండలు.. సిక్స్ ప్యాక్‌ ఫిజిక్ ను ఆమద్య తెగ వైరల్‌ చేసిన అక్కినేని అభిమానులు ఇప్పుడు ఈ వీడియోను తెగ షేర్‌ చేస్తున్నారు.

అఖిల్‌ షేర్‌ చేసిన ఈ గుర్రపు స్వారీ వీడియోను ప్రతి ఒక్కరు కూడా వావ్‌ అంటూ చూస్తున్నారు. అఖిల్ కు గుర్రాలు.. గుర్రపు స్వారీలు అంటే చాలా ఇష్టం. ఆ ఇష్టంతోనే పలు సందర్బాల్లో గుర్రాల గురించి స్వారీల గురించి మాట్లాడిన విషయం తెల్సిందే. తెలుగు హీరోల్లో రామ్‌ చరణ్‌ కు గుర్రపు స్వారీలు చాలా ఇష్టం అనే విషయం తెల్సిందే. ఆ తర్వాత అఖిల్‌ కు కూడా గుర్రపు స్వారీలు అంటే విపరీతమైన మోజు. అందుకే ఇలా అప్పుడప్పుడు స్వారీలు చేస్తూ ఉంటాడు. ఈ స్వారీ స్లో మోషన్‌ లో అద్బుతంగా ఉందని.. అలా గుర్రంపై అఖిల్‌ స్వారీ చేస్తుంటే రియల్‌ హీరో అన్నట్లుగా కనిపిస్తున్నారు అంటూ కామెంట్స్ వస్తున్నాయి.

అఖిల్‌ సినిమాల విషయానికి వస్తే ఇప్పటికే బొమ్మరిల్లు భాస్కర్‌ దర్శకత్వంలో తెరకెక్కిన 'మోస్ట్‌ ఎలిజబుల్‌ బ్యాచిలర్‌' సినిమా విడుదలకు సిద్దంగా ఉంది. కరోనా సెండ్‌ వేవ్‌.. ఫస్ట్‌ వేవ్‌ అంటూ సినిమాను విడుదల వాయిదా వేస్తూ వచ్చారు. సినిమా లో అఖిల్‌ కు జోడీగా పూజా హెగ్డే నటించింది. ఇక ఏజెంట్‌ సినిమా మరో లెవల్‌ స్టైలిష్‌ గా ఉంటుంది అంటూ నెటిజన్స్‌ కామెంట్స్ చేస్తున్నారు. దర్శకుడు సురేందర్ రెడ్డి కమర్షియల్‌ సూపర్‌ హిట్‌ ను దక్కించుకుని అఖిల్‌ ను టాప్‌ స్టార్‌ హీరోల సరసన నిలుపుతాడేమో చూడాలి.