అఖిల్ సినిమాకు అక్కడ మంచి రేటు

అక్కినేని అఖిల్ చేసింది రెండు సినిమాలే అయినా - అవీ హిట్ కాకపోయినా ప్రేక్షకుల్లో మంచి ఫాలోయింగే ఉంది. మిగతా యంగ్ హీరోలకు భిన్నంగా సినిమా ఫైనలైజ్ చేసుకునేందుకు చాలా ఎక్కువ సమయం తీసుకుంటున్నాడు కానీ ఒక సారి సెట్స్ మీదకు వెళ్ళిన తర్వాత మాత్రం మంచి జోరు చూపిస్తున్నాడు. అఖిల్ తన తాజా చిత్రాన్ని వెంకీ అట్లూరి డైరెక్షన్లో చేస్తున్నాడు. ఈ సినిమాకు ఇప్పుడు ఓవర్సీస్ లో మంచి బేరం వచ్చిందట.

ఈమధ్యే 'గీత గోవిందం' సినిమా ను ఓవర్సీస్ లో రిలీజ్ చేసి లాభాలు అందుకున్న

సరిగమ సినిమాస్ వారు అఖిల్ సినిమా ఓవర్సీస్ రైట్స్ ను రూ. 3 కోట్లకు కొన్నారట. అఖిల్ కు ఇంకా అమెరికాలో పెద్దగా మార్కెట్ లేదు కాబట్టి ఇది చాలా డీసెంట్ ప్రైస్ అనుకోవాలి. డైరెక్టర్ వెంకీ అట్లూరి లాస్ట్ సినిమా 'తొలిప్రేమ' ఓవర్సీస్ ప్రేక్షకులను మెప్పించడమే కాకుండా డిస్ట్రిబ్యూటర్స్ కు లాభాలు అందించింది కాబట్టి ఆ డైరెక్టర్ అఖిల్ తో చేస్తున్న సినిమాపై కూడా ట్రేడ్ వర్గాల్లో అంచనాలు బాగానే ఉన్నాయి.

ఈ సినిమా టైటిల్ ఇంకా అధికారికంగా ప్రకటించలేదు గానీ నిర్మాతలు 'Mr. మజ్ను' అనే టైటిల్ ను ఫిలిం ఛాంబర్ లో రిజిస్టర్ చేసి పెట్టారట. సో.. ఇదే దాదాపుగా ఫైనల్ కావచ్చు. మరి ఈ సినిమాతో అయినా అఖిల్ కు బ్రేక్ వస్తుందేమో వేచి చూడాలి.