'కింగ్' దర్శకుడితో యూత్ కింగ్ మైత్రీ కుదురుతోందా..?

యూత్ కింగ్ అఖిల్ అక్కినేని సాలిడ్ హిట్ కోసం ప్రయత్నాలు చేస్తున్నారు. ప్రస్తుతం 'బొమ్మరిల్లు' భాస్కర్‌ దర్శకత్వంలో ''మోస్ట్‌ ఎలిజిబుల్‌ బ్యాచిలర్‌'' అనే యూత్ ఫుల్ ఎంటర్టైనర్ లో నటిస్తున్నాడు. అల్లు అరవింద్ సమర్పణలో జీఏ2 పిక్చర్స్‌ బ్యానర్‌ పై బన్నీ వాస్ - వాసు వర్మ ఈ చిత్రాన్ని నిర్మిస్తున్నారు. కరోనా కారణంగా ఈ సినిమా విడుదల వాయిదా పడింది. ఇక సురేందర్ రెడ్డి దర్శకత్వంలో ''ఏజెంట్'' అనే స్టైలిష్ యాక్షన్ థ్రిల్లర్ లో నటిస్తున్నారు అఖిల్. ఏకే ఎంటర్టైన్మెంట్స్ మరియు సరెండర్2సినిమా బ్యానర్స్ పై రామబ్రహ్మం సుంకర - సురేందర్ రెడ్డి సంయుక్తంగా ఈ చిత్రాన్ని నిర్మిస్తున్నారు. జులై నుంచి ఈ సినిమా రెగ్యులర్ షూటింగ్ ప్రారంభం కానుంది. ఈ క్రమంలో అక్కినేని అందగాడు మరో ప్రాజెక్ట్ కు గ్రీన్ సిగ్నల్ ఇచ్చాడని ఫిలిం సర్కిల్స్ లో టాక్ వినిపిస్తోంది.

టాలీవుడ్ లో స్టార్ హీరోలందరరితో సినిమాలు లైన్ లో పెడుతున్న మైత్రీ మూవీ మేకర్స్ సంస్థ.. అఖిల్ అక్కినేని తో ఓ సినిమా ప్లాన్ చేస్తున్నారట. ఇప్పటికే దీని కోసం అఖిల్ కు అడ్వాన్స్ కూడా ఇచ్చారట. ఈ నేపథ్యంలో యంగ్ హీరో కోసం ఓ రొమాంటిక్ అండ్ యాక్షన్ ఎంటర్టైనింగ్ స్క్రిప్ట్ రెడీ చేయాల్సిందిగా దర్శకుడు శ్రీను వైట్ల కు మైత్రీ టీమ్ అడ్వాన్స్ ఇచ్చారట. ఇప్పుడు 'దూకుడు' డైరెక్టర్ ఓ స్క్రిప్ట్ రెడీ చేసి మేకర్స్ కు వినిపించారని.. త్వరలోనే అఖిల్ కు నేరేట్ చేస్తారని టాక్ వినిపిస్తోంది. యువ హీరోకి స్టోరీ నచ్చితే వీలైనంత త్వరగా ఈ ప్రాజెక్ట్ సెట్స్ పైకి వెళ్తుందని అంటున్నారు. శ్రీనువైట్ల గతంలో అక్కినేని నాగార్జున తో 'కింగ్' వంటి సూపర్ హిట్ అందించాడు. ఈ క్రమంలో ఇప్పుడు యూత్ కింగ్ తో సినిమా చేసేది నిజమో కాదో తెలియాలంటే ఇంకొన్నాళ్లు ఆగాల్సిందే. ఇకపోతే నాగ్ - అఖిల్ కాంబోలో మల్టీస్టారర్ చేయడానికి ప్రయత్నాలు జరుగుతున్నాయి. సరైన స్క్రిప్ట్ - డైరెక్టర్ సెట్ అయితే అన్నపూర్ణ స్టూడియోస్ బ్యానర్ లోనే సినిమా రూపొందనుంది.