నాగ్, అఖిల్ కలిసి ‘అక్కినేన’ డ్యాన్స్

అక్కినేని నాగార్జున, అక్కినేని అఖిల్ కలిసి స్టెప్పులేస్తే ఎలా ఉంటుంది? అభిమానులకు పండగే కదా. ఇది జస్ట్ ఇమేజినేషన్ కాదు. నిజ్జంగా నిజం. ‘అఖిల్’ సినిమాలో మన్మథుడూ సందడి చేశాడు. అక్కినేని అక్కినేని.. అంటూ సెకండాఫ్ లో వచ్చే పాటలో నాగార్జున స్పెషల్ అప్పీరియన్స్ అదిరిపోయింది. ఈ పాటలో అఖిల్ అదిరిపోయే స్టెప్పులతో డ్యాన్స్ ఫ్లోర్ ని షేక్ చేసేశాడు. దీంతో అక్కినేని అభిమానులు కుదురుగా కూర్చోలేని పరిస్థితి. ఐతే వాళ్ల ఉత్సాహాన్ని రెట్టింపు చేస్తూ పాట చివర్లో మన్మథుడు ఎంట్రీ ఇస్తాడు.

అఖిల్ లాగే బ్లూ కలర్ షేర్వాణీ టైపు డ్రెస్ లో నాగ్ మన్మథుడిలాగే కనిపించాడు. గ్లామర్ విషయంలో తనకిప్పటికీ తిరుగులేని రుజువు చేస్తూ.. మెస్మరైజింగ్ స్క్రీన్ ప్రెజెన్స్ తో అదరగొట్టాడు నాగ్. మన్మథుడు అలా నడిచి వస్తుంటే అఖిల్ - సాయేషా నోరెళ్లబెట్టి చూస్తుంటారు. నాగ్ వాళ్లతో జాయిన్ అయి.. స్టెప్పులేస్తాడు. ‘అఖిల్’ సినిమాలో నాగార్జున ఉన్నాడని ఇంతకుముందే ప్రచారం జరిగినప్పటికీ.. అఫీషియల్ కన్ఫర్మేషన్ లేదు. విడుదల వరకు దాన్ని సస్పెన్స్ గా ఉంచి.. తెరమీద సర్ ప్రైజ్ చేశారు. ఇంతకుముందు ‘మనం’ సినిమాకు అఖిల్ చేసిన సాయానికి ఇలా బదులు తీర్చుకున్నాడేమో నాగ్!