అఖిల్ స‌ర‌స‌న ప్ర‌గ్యాజైశ్వాల్‌

మొన్న‌నే కొత్త సినిమాని ఖ‌రారు చేశాడు అఖిల్ అక్కినేని. కృష్ణ‌గాడి వీర ప్రేమ‌గాథ ఫేమ్ హ‌ను రాఘ‌వ‌పూడి ద‌ర్శ‌క‌త్వంలో న‌టించ‌బోతున్నాన‌ని ప్ర‌క‌టించాడు. అఖిల్ ఆ విష‌యాన్ని ట్వీటిందే ఆల‌స్యం... ఇక అంద‌రి దృష్టి క‌థానాయిక ఎవ‌ర‌న్న విష‌యంపైకి వెళ్లింది. ఆ ఆత్రుత‌లో మా హెడ్డింగ్ చూసి ఇప్పుడు అఖిల్ స‌ర‌స‌న ప్ర‌గ్యా ఎంపికైందేమో అని మాత్రం అనుకోవ‌ద్దు. అఖిల్ స‌ర‌స‌న న‌టించేది ఎవ‌ర‌న్న విష‌యంపై ఇంకా క్లారిటీ రాలేదు.

ఇంత‌లో అఖిల్ - ప్ర‌గ్యా జైశ్వాల్ క‌లిసి వున్న ఓ క‌వ‌ర్ ఫొటో ఇప్పుడు ఆ జంట గురించి మాట్లాడుకొనేలా చేసింది. వావ్ హైద‌రాబాద్ మేగ‌జైన్ కోసం అఖిల్‌ - ప్ర‌గ్యా క‌లిసి ఫొటో షూట్ చేశారు. అందులో వీళ్లిద్ద‌రి జోడీ చాలా బాగుంది. ఇక ఆ క‌వ‌ర్ని చూసినప్ప‌ట్నుంచి ఇండ‌స్ట్రీ జ‌నాలు అఖిల్ స‌ర‌స‌న ప్ర‌గ్యా అంటూ మాట్లాడుకొంటున్నారు. ఆ జోడీ ఎంత బాగుందో మీరూ చూడండిక్క‌డ‌.