మరో 'మోస్ట్‌ ఎలిజబుల్‌ బ్యాచిలర్' రాబోతున్నాడా?

అఖిల్ అక్కినేని హీరోగా ప్రస్తుతం సురేందర్ రెడ్డి దర్శకత్వంలో 'ఏజెంట్‌' సినిమాను చేస్తున్న విషయం తెల్సిందే. షూటింగ్‌ దాదాపుగా ముగింపు దశకు వచ్చిందని.. ఆగస్టు లో సినిమాను విడుదల చేస్తామంటూ యూనిట్‌ సభ్యులు చెబుతున్నారు. ఏజెంట్‌ తర్వాత అఖిల్‌ చేయబోతున్న సినిమాల విషయమై చర్చలు జరుగుతున్నాయి. ఇప్పటికే రెండు మూడు కథలను ఫైనల్ చేయడం జరిగిందట.

అందులో ఒకటి బొమ్మరిల్లు భాస్కర్‌ రెడీ చేసిన కథ కూడా ఉందంటూ వార్తలు వస్తున్నాయి. అఖిల్ గత చిత్రం మోస్ట్‌ ఎలిజబుల్‌ బ్యాచిలర్‌ సినిమా కు బొమ్మరిల్లు భాస్కర్ దర్శకత్వం వహించిన విషయం తెల్సిందే. ఆ సినిమా మంచి విజయాన్ని సొంతం చేసుకుని అఖిల్ కు మొదటి హిట్‌ ను ఇచ్చింది. కమర్షియల్ గా బ్లాక్ బస్టర్ కాకున్నా కూడా అఖిల్‌ కు మొదటి సక్సెస్ ను బొమ్మరిల్లు భాస్కర్ మోస్ట్‌ ఎలిజబుల్‌ బ్యాచిలర్‌ సినిమా తో ఇవ్వడం జరిగింది.

మోస్ట్‌ ఎలిజబుల్‌ బ్యాచిలర్ సినిమా సక్సెస్ అవ్వడంతో మరో సారి బొమ్మరిల్లు భాస్కర్ దర్శకత్వంలో అఖిల్‌ సినిమాను చేసేందుకు సిద్ధం అయ్యాడనే వార్తలు వస్తున్నాయి. ఇప్పటికే కథ దాదాపుగా ఫైనల్‌ అయ్యింది.

స్క్రిప్ట్‌ వర్క్ కూడా జరుగుతుందని సమాచారం అందుతోంది. యూత్‌ ఆడియన్స్ ను కట్టిపడేసే ఎన్నో సినిమాలను తెరకెక్కించిన బొమ్మరిల్లు భాస్కర్‌ మరో మంచి లవ్‌ స్టోరీ తో అఖిల్ ను చూపించబోతున్నాడట.

వీరిద్దరి కాంబో ఇప్పటికే సక్సెస్ కాంబో గా పేరు దక్కించుకుంది. అందుకే వెంటనే వీరిద్దరి కాంబోలో సినిమా ను చూడాలని అభిమానులు మరియు ప్రేక్షకులు కూడా ఆసక్తిగా ఉన్నారు. మోస్ట్‌ ఎలిజబుల్‌ బ్యాచిలర్‌ సినిమా తర్వాత మరీ ఇంత త్వరగా వీరిద్దరి కాంబోలో సినిమా ఉంటుందని అక్కినేని ఫ్యాన్స్ కూడా ఊహించలేదు. కాని అఖిల్‌ కు నచ్చే... సరిపోయే కథ ను బొమ్మరిల్లు భాస్కర్ రెడీ చేయడం వల్ల వెంటనే ఓకే చెప్పారట.

సునీల్‌ నారంగ్‌ వీరి కాంబో మూవీని ఏషియన్ సినిమా లో నిర్మించబోతున్నాడు. ఈమద్య కాలంలో వరుసగా సినిమాలను నిర్మిస్తున్న ఏషియన్స్ వారు అఖిల్ తో ఈ భారీ సినిమాను ప్లాన్‌ చేస్తున్నారు. ఏజెంట్‌ సినిమా ఫలితాన్ని బట్టి ఈ సినిమా ఉంటుందనే వార్తలు కూడా వస్తున్నాయి. ఏజెంట్‌ మంచి విజయాన్ని సొంతం చేసుకుంటే గ్యాప్ లేకుండా వెంటనే బొమ్మరిల్లు భాస్కర్ కు అవకాశం ఇవ్వనున్నారట.