బన్నీకి ఇప్పుడు ఎన్టీఆర్‌ తర్వాత అఖిల్ అడ్డు..!

అల్లు అర్జున్‌ హీరోగా సుకుమార్‌ దర్శకత్వంలో పుష్ప సినిమా తెరకెక్కతుంది. పుష్ప సినిమా షూటింగ్‌ ప్రారంభం కు ముందే కొరటాల శివ దర్శకత్వంలో బన్నీ సినిమా కన్ఫర్మ్‌ అయ్యింది. ఫ్రీ లుక్ తో ఒక పోస్టర్‌ ను కూడా విడుదల చేశారు. కొరటాల శివ దర్శకత్వంలో అల్లు అర్జున్ సినిమా అనగానే అంచనాలు భారీగా పెరిగాయి. కాని సినిమా ఆరంభంకు ముందే అటకెక్కింది. కొరటాల శివ దర్శకత్వంలో బన్నీ కాకుండా ఎన్టీఆర్‌ నటించబోతున్నాడు. పుష్ప సినిమా రెండు పార్ట్‌ లుగా అవ్వడం వల్ల కొరటాల శివ తదుపరి సినిమాను ఎన్టీఆర్‌ తో చేసేందుకు కమిట్‌ అయ్యాడేమో అంటూ పుకార్లు షికార్లు చేశాయి. పుష్ప రెండవ పార్ట్‌ తర్వాత అయినా బన్నీ తో కొరటాల శివ సినిమా ఉంటుందనుకుంటే అది కూడా ఉండేలా కనిపించడం లేదు.

సినీ వర్గాల నుండి అందుతున్న సమాచారం ప్రకారం ఎన్టీఆర్‌ 30 తర్వాత కొరటాల శివ చేయబోతున్న సినిమా అల్లు అర్జున్ తో కాదని.. అక్కినేని హీరో అఖిల్ తో అంటున్నారు. ప్రస్తుతం అఖిల్‌ మోస్ట్‌ ఎలిజబుల్‌ బ్యాచిలర్‌ సినిమా తో ప్రేక్షకుల ముందుకు వచ్చేందుకు సిద్దంగా ఉన్నాడు. ఆ తర్వాత సురేందర్ రెడ్డి దర్శకత్వం లో ఒక సినిమాను అఖిల్‌ చేయబోతున్నాడు. ఏజెంట్ సినిమా వచ్చే ఏడాది ఆరంభంకు పూర్తి చేసి ఆ వెంటనే కొరటాల శివ దర్శకత్వంలో చేయబోతున్నట్లుగా సమాచారం అందుతోంది.

అఖిల్‌ కోసం కొరటాల శివను నాగార్జున ఒప్పించాడనే పుకార్లు షికార్లు చేస్తున్నాయి. అఖిల్‌ ప్రస్తుతం కెరీర్‌ లో ఒడిదొడుకులు ఎదుర్కొంటున్నాడు. ఈ సమయంలో కొరటాల శివ దర్శకత్వంలో సినిమా పడి అది కమర్షియల్‌ గా బిగ్‌ సక్సెస్‌ అయితే స్టార్‌ హీరోల సరసన అఖిల్‌ చేయడం ఖాయం అన్నట్లుగా అక్కినేని అభిమానులు ఆశ పడుతున్నారు. మరి అది ఎంత వరకు వర్కౌట్‌ అయ్యేను.. అసలు అఖిల్‌ తో కొరటాల శివ సినిమా ఉందా అనేది చూడాలి. ఒక వేళ అఖిల్ తో కొరటాల మూవీ ఉంటే మాత్రం బన్నీతో కొరటాల సినిమా డౌటే అంటున్నారు.