మహేష్ రూట్లోకి వచ్చేసిన అఖిల్

ట్వీట్స్ చేయడంలో, కామెంట్స్ పెట్టడంలో.. కొంచె వివాదం - ఆరోపణలు లాంటివి ఉన్నా.. సమంత ఏమాత్రం ఆలోచించదు. అలా వన్ నేనొక్కడినే విషయంలో మహేష్ ఫ్యాన్స్ ను హర్ట్ చేసింది కూడా. ఆ తర్వాత కూడా ఏమాత్రం తగ్గకుండా.. మహేష్ బ్రాండింగ్ పైనా కామెంట్స్ చేసింది.

ఒక ఇంటర్యూలో బాగంగా మాట్లాడుతూ.. కంపెనీలకు మహేష్ బాబు బ్రాండ్ అంబాసిడర్ గా ఉండడమే కాదు.. హీరోయిన్ల ఆఫర్లను కూడా తన్నుకుపోతున్నాడని అనేసింది శామ్స్. అయితే.. సౌతిండియా షాపింగ్ మాల్ సహా మరికొన్ని కంపెనీల ప్రకటనలు సమంత చేతి నుంచి సూపర్ స్టార్ దగ్గరకు రావడమే ఇందుకు కారణం. అయితే సమంతకు పేపర్‌ యాడ్లు అలాగే ఉన్నాయిలే.. కాకపోతే మహేష్‌ ను కూడా మరో అంబాసిడర్‌ గా తీసుకున్నారు. ఇప్పుడీ బ్యూటీకి మరో హీరో పోటీకి వచ్చేశాడు.

స్టార్స్ లో మహేష్ బాబు ఎలా బెస్ట్ ఆప్షనో.. టాలీవుడ్ కుర్రహీరోల విషయానికొస్తే.. అక్కినేని అఖిల్ ని అలాగే ఎంచుకుంటున్నాయి కంపెనీలు. ఇప్పటికే మౌంటెన్ డ్యూ - బాంబినో వంటి బ్రాండ్స్ కు ప్రచారం చేస్తున్న అఖిల్.. ఇఫ్పుడు సౌతిండియా షాపింగ్ మాల్ కు కూడా ఎంపికయ్యాడు. మహేష్‌ ను సైడ్‌ చేశారో లేదో తెలియదు కాని.. అఖిల్‌ ను మాత్రం తీసుకున్నారు. మరి సమంత ఇప్పుడేమంటుందో చూడాలి? అమ్మో నా ఛాన్సులను అఖిల్‌ కూడా తీసుకెళ్లిపోతున్నాడు అంటుందా ఏంటి?