అభిమానుల‌తో అఖిల్ చిట్‌ చాట్ ఇదే

అక్కినేని న‌ట‌వార‌సుడు మూడోత‌రం హీరో అఖిల్ నిన్న సాయంత్రం అభిమానుల‌తో చిట్‌ చాట్ చేశాడు... వాటిలోంచి కొన్ని ఇంట్రెస్టింగ్ పాయింట్స్ ఇవి...

ప్ర: రిలీజ్ వాయిదాకి కార‌ణం?

అఖిల్ : వాయిదా సంగ‌తి నిన్న‌ రాత్రే నిర్ణయించాం. తిరిగి డేట్ ఫిక్స్ చేయడానికి కొంత టైం కావాలి. సాధ్య‌మైనంత త్వ‌ర‌లో అప్‌ డేట్ చెబుతాం.

ప్ర‌ : 'అఖిల్స జోన‌ర్‌?

అఖిల్ : యాక్షన్ ప్యాక్డ్ ఎంటర్ టెయినర్ ఇది. కమర్షియల్ ఫార్ములా లోనే ఈ సినిమాను కాస్త డిఫరెంట్ గా ప్రెజెంట్ చేయబోతున్నాం.

ప్ర‌ : ట్రైలర్ లో చూసినదాన్ని బట్టి నిజమైన లక్ష్యాన్ని వెతుక్కోవడం చుట్టూ కథ తిరుగుతోందనిపిస్తోంది. ఏమంటారు?

అఖిల్ : బేసికల్లీ.. ఈ సినిమాలో నేను హీరోయిన్ ని రక్షిస్తాను. కానీ అసలైన లక్ష్యం మరొకటి ఉంటుంది. అది మీరు ధియేటర్ లోనే చూడాలి.

ప్ర‌: అఖిల్ చిత్రం కోసం మీ ప్రిపరేషన్?

అఖిల్ : సినిమా మొదలవ్వడానికంటే చాలా ముందు నుంచే నేను ప్రిపరేషన్ మొదలుపెట్టాను. ప్రత్యేకించి డ్యాన్స్ విషయంలో అద‌న‌పు ట్రైనింగ్ తీసుకున్నా.

ప్ర‌ : రిలీజ్ కోసం ఎదురుచూస్తున్నాం అఖిల్. రూమర్స్ ప‌ట్టించుకోన‌క్క‌ర్లేదు!

అఖిల్ : థ్యాంక్యూ సో మచ్. మీ లవ్, సపోర్ట్ నాకు చాలా విలువైనవి. తప్పకుండా మీ అంచనాలను అందుకుంటాను.

ప్ర‌ : బ్రహ్మానందం గారికి, మీకు మధ్య కామెడీ ఎపిసోడ్స్ ఎక్స్ పెక్ట్ చేయవచ్చా?

అఖిల్ : డెఫినెట్లీ.. ఈ మూవీలో బ్రహ్మానందం గారిది ఫుల్ లెన్త్ కామెడీ రోల్. మీరు చాలా ఎంజాయ్ చేస్తారు.

ప్ర‌ : సినిమాలో మీ ఫేవరేట్ డైలాగ్ ఏది?

అఖిల్ : బ్రహ్మానందంగారితో నేను చెప్పే డైలాగ్.. 'జాన్సన్.. ప్రభు ఏ దారి చూపిస్తారు?'

ప్ర‌ : 'అఖిల్' సోషియో ఫ్యాంటసీ మూవీనా?

అఖిల్ : కాదు, కంప్లీట్ యాక్షన్ ఎంటర్ టెయినర్. కానీ కథకు తగ్గట్టు 'సూర్యుడి శక్తి'లాంటి కొన్ని డిఫరెంట్ ఎలిమెంట్స్ చూస్తారు.