టికెట్ కొనేవాళ్లకి రెస్పెక్ట్ ఇవ్వాలి -అఖిల్

టాలీవుడ్ కి యంగ్ జనరేషన్ లో లేటెస్ట్ హీరో అఖిల్. మరో 3 రోజుల్లో వెండితెరపై సందడి చేయనున్న ఈ అక్కినేని నటవారసుడికి.. ప్రేక్షకులపై ఉన్న ఒపీనియన్స్ చూస్తే ఆశ్చర్యం వేస్తుంది. ఒక మూవీ కూడా రిలీజ్ కాకుండా ఇంతటి మెచ్యూరిటీని ఎలా సంపాదించాడబ్బా అనిపిస్తుంది కూడా.

'బాహుబలి తర్వాత జనాలు నాసిరకం గ్రాఫిక్స్ ని యాక్సెప్ట్ చేయరు. క్వాలిటీ అంటే ఏంటో చూశారు కాబట్టి.. అలాగే ఎక్స్ పెక్ట్ చేస్తారు. కాకపోతే అందరూ బాహుబలి స్థాయిలో గ్రాఫిక్స్ చేయలేకపోయినా.. కనీసం ప్రయత్నించాల్సిందే. ఇప్పడది బెంచ్ మార్క్ లాంటిది. జనాలను ఫోర్స్ చేసి సినిమా చూడండి అని చెప్పలేం కదా. డబ్బులిచ్చి టికెట్ కొనుక్కుని థియేటర్ కి వచ్చేవాళ్లకి రెస్పెక్ట్ ఇవ్వాల్సిందే' అన్నాడు అఖిల్.

అబ్బా.. ఎంత క్లారిటీతో మాట్లాడాడు అనిపిస్తోంది అఖిల్ మాటలు వింటుంటే. నాకు నచ్చింది తీస్తా.. చూస్తే చూడండి లేకపోతే మానేయండి అని ఓసారి.. తెలుగు ప్రేక్షకులకు సినిమాలు చూడ్డం రాదు అనీ మరోసారి కామెంట్స్ కూడా వినాల్సొచ్చింది టాలీవుడ్ ప్రేక్షకులకు. ఇప్పుడు అఖిల్ మాటలు వింటుంటే మాత్రం.. మెచ్యూరిటీతో పాటు మనసులనూ కట్టిపడేస్తున్నాడని అనుకోవచ్చు. ఈ మాత్రం క్లారిటీ మనసులో ఉంటే చాలు.. జనాలకు కావాల్సినవి ఇచ్చే స్టార్ హీరోగా ఎదగడం ఖాయం.