అప్పుడే 10లక్షల ఫాలోయర్స్!!

అక్కినేని వంశానికి లేటెస్ట్ వారసుడు అఖిల్. అటు ప్రొఫెషనల్ గాను.. ఇటు పర్సనల్ గాను బ్యాడ్ టైం నడుస్తోందనే చెప్పాలి. మొదటి సినిమా అఖిల్ డిజాస్టర్ కావడం.. ఆ తర్వాత ఏడాదిన్నర గడిచిపోయినా కొత్త సినిమా ప్రారంభించకపోవడం.. ఇదుగో అదుగో అంటున్నా రెండో మూవీకి ఇంకా ముహూర్తం సెట్ చేయలేకపోవడం.. ప్రొఫెషనల్ గా లోటు.

మరోవైపు ఎంగేజ్మెంట్ కూడా జరిగిన తర్వాత అది రద్దయిపోవడం.. దీనిపై సమాధానం చెప్పాల్సి వస్తుందని మీడియాకు దూరంగా ఉండడం వ్యక్తిగతంగా ఇబ్బంది పెడుతున్నాయి. అయితే.. ఇలాంటి ట్రాక్ రికార్డ్ ఉన్నా.. అఖిల్ హీరోయిజం పై కానీ.. ఫ్యూచర్ స్టార్ అవుతాడనే కాన్ఫిడెన్స్ విషయంలో కానీ.. అభిమానుల్లో పూర్తి స్థాయి నమ్మకం ఉంది. అందుకే కొత్త సినిమా మొదలు పెట్టకపోయినా సరే.. అఖిల్ పాపులారిటీ విపరీతంగా పెరుగుతూనే ఉంది.

ఇప్పుడు సోషల్ మీడియాలో అఖిల్ ఫాలోయర్స్ సంఖ్య 10 లక్షలను దాటిపోయింది. కేవలం ఒకే మూవీ తో 1 మిలియన్ ఫాలోయర్స్ ను సాధించిన ఏకైక హీరో అఖిల్ మాత్రమే అనడంలో సందేహం లేదు. ఇది అఖిల్ కి ఆడియన్స్ లో ఉన్న క్రేజ్ ను చాటి చెబుతోంది.


Like Us on Facebook : https://www.facebook.com/Tupakidotcom/