అఖిల్ కి అమెరికా టెన్షన్

అక్కినేని అఖిల్ అరంగేట్రంలోనే అదరగొడుతున్నాడని అర్ధమవుతూనే ఉంది. రిలీజ్ కి మరో ఐదు రోజులే గ్యాప్ ఉండడంతో.. ప్రమోషన్ కూడా టాప్ గేర్ కి వచ్చేసింది. ఈలోపు చిన్న చిన్న లీక్స్ మూవీ పై హైప్ మరింత పెంచుతున్నాయి. ఇండస్ట్రీ - సెన్సార్ టాక్ వింటుంటే అఖిల్ పై ఎక్స్ పెక్టేషన్స్ పెరిగిపోతున్నాయి.

ఇంతటి హ్యాపీ మూడ్ లోనూ అఖిల్ ని ఓ టెన్షన్ వెంటాడుతోంది. అయితే.. అది ఇక్కడిది కాదు. అమెరికా టెన్షన్. మన దేశంలో అంటే దీపావళి పండక్కి రిలీజ్ అవుతోంది, దీనికితోడు మన కుర్రహీరోకి పోటీయే లేదు కాబట్టి.. కలెక్షన్స్ పై పెద్దగా టెన్షన్ పెట్టుకోవడంలేదు ఎవరూ. కానీ ఓవర్సీస్ లో సీన్ వేరేగా ఉంటుంది. నవంబర్ 10న ప్రీమియర్ షోస్ భారీగా వేయబోతున్నారు అఖిల్ కి. అంటే అమెరికాలో మంగళవారం నాడే వస్తున్నాడన్న మాట.

అమెరికాలో అయినా, ఇంకెక్కడన్నా అయినా సరే.. సినిమాలకు వీకెండ్స్ చాలా ముఖ్యం. కానీ మంగళవారం నాడే అఖిల్ టాక్ తెలిసిపోతుంది. సూపర్బ్ అనే టాక్ వస్తే పర్లేదు. కానీ అంతకంటే ఏ కొంచెం తక్కువ స్థాయిలో టాక్ వచ్చినా వీకెండ్స్ డల్ అయిపోతాయి. ఒకవేళ సూపర్‌ హిట్‌ టాక్‌ వచ్చినా.. పైరసీ బూతం ఒకటి వేధించే ఛాన్సుంది. సో.. మంగళవారం నుంచి మళ్లీ ఆదివారం వరకూ.. 6 రోజుల పాటు టాక్ తో సంబంధం లేకుండా కలెక్షన్స్ రావడం.. ఓవర్సీస్ లో సాధ్యం కాదు. అందుకే.. ఈ చిన్న టెన్షన్ మాత్రం అఖిల్ ని వెంటాడుతోంది. చూద్దాం.. అరంగేట్రంలోనే వన్ మిలియన్ డాలర్స్ కొల్లగొట్టి కొత్త రికార్డ్ సృష్టిస్తాడేమో అఖిల్.