హలో.. బాగానే రాబడుతున్నాడే

క్రిస్మస్ కి టాలీవు బాక్స్ ఆఫీస్ వార్ బాగానే ఉంటుందని అందరు అనుకున్న సంగతి తెలిసిందే. మొదటి వారం అఖిల్ - నాని గట్టి పోటీని ఇస్తారని తెలుస్తోంది. ఆల్ రెడీ నాని సినిమా ఎంసీఏ కి కొంచెం నెగిటివ్ టాక్ రావడంతో.. కలక్షన్స్ పై ఆ ప్రభావం ఉండొచ్చునని టాక్. ఇక అఖిల్ సినిమాకు మాత్రం మొదటి షోకే మెప్పించాడు అనే టాక్ రావడంతో మొదటి వరం మంచి కలెక్షన్స్ అందే అవకాశం ఉంది.

ఇక యూఎస్ లో నానికి ఎంతగా ఫాలోయింగ్ ఉందొ ప్రత్యేకంగా చెప్పనక్కర్లేదు. స్టార్ హీరోల రేంజ్ లో అతని సినిమాలు మంచి వసూళ్లను సాధిస్తున్నాయి. అయితే ఎంసీఏ కూడా అక్కడ మంచి ఓపెనింగ్స్ అందుకున్నప్పటికీ.. తరువాత రోజున అఖిల్ హలో కారణంగా పెద్ద దెబ్బే పడిందని ట్రేడ్ వర్గాలు అంటున్నాయి. ఇక అఖిల్ యూఎస్ లో భారీగా ప్రమోషన్స్ చేసిన సంగతి తెలిసిందే. దీంతో ప్రీమియర్ షోలతో మంచి ఓపెనింగ్స్ అందుకున్నాడు. హలో ప్రీమియర్ షో కలెక్షన్స్ - $ 210k దాటగా.. శుక్రవారం - $ 120k కలెక్షన్స్ ని హలో అందుకుంది. టోటల్ గా ఆ సినిమాకు 330k డాలర్ల వరకు వచ్చాయని తెలుస్తోంది. ఇక శని ఆదివారాలు ఇంకా కలెక్షన్స్ పెరిగే అవకాశం ఉంది.

ఇకపోతే అఖిల్ సినిమాకు తొలి రోజున ఆంధ్రప్రదేశ్ అండ్ తెలంగాణ రాష్ట్రాల్లో దాదాపు 2.7+ కోట్ల షేర్ వసూలు చేసింది. ఇక శనివారం నుండి పాజిటివ్ టాక్ కారణంగా వసూళ్ళు ఇంకా పెరిగినట్లు తెలుస్తోంది. అందుకే అందరూ ఈ హలోతో అఖిల్ పెర్ఫక్ట్ లాంచ్ ను కొట్టేశాడు అంటున్నారు.