కన్ఫాం: దీపావళి నాడే 'అఖిల్' పండుగ

అక్కినేని అభిమానుల ఎదురుచూపులకు ఎట్టకేలకు తెరపడనుంది. అఖిల్ వాయిదాతో కట్టలు తెచ్చుకున్న కోపాన్ని కంట్రోల్ చేసేలా.. రిలీజ్ డేట్ అనౌన్స్ చేసేశారు. ఇప్పుడు ఆన్ లైన్ లో ఎక్కడ చూసినా.. నవంబర్ 11న అఖిల్ రిలీజ్ పోస్టర్లే సందడి చేస్తున్నాయి. సోషల్ నెట్వర్కింగ్ లోనూ.. వీటి హంగామా పెరిగిపోతోంది.

గ్రాఫిక్ వర్క్ కారణంగా రిలీజ్ ని పోస్ట్ పోన్ చేయించిన నాగార్జున.. మొత్తానికి శాటిస్ ఫై అయ్యారు. అవుట్ పుట్ అదిరిపోయేలా వచ్చిందని చెప్పుకుంటున్నారు. నాగ్ కూడా ఇదే విషయాన్ని అఫీషియల్ గా అనౌన్స్ చేశాడు. ట్విట్టర్ సాక్షిగా వెయిట్ ఈజ్ ఓవర్ అంటూ నవంబర్ 11న అఖిల్ విడుదలవుతుందని చెప్పేశాడు. చిన్నా చితకా రిపేర్లతో అఖిల్ సందడి షురూ అయిపోనుంది. ఈ లోగా రాబోతున్న భారీ చిత్రాలేవీ లేకపోవడంతో.. ఈ పది రోజులు అఖిల్ హంగామా నడవడం ఖాయమే అనుకోవచ్చు.

ప్రమోషన్ వర్క్స్ కూడా స్టార్ట్ చేసేస్తారు కాబట్టి.. మరిన్ని క్లూస్ ఇస్తూ ఇంట్రెస్ట్ పెంచే ప్రోగ్రామ్స్ ఊపందుకుంటాయి. రీసెంట్ గా పబ్లిష్ చేసిన రిలీజ్ పోస్టర్స్ కూడా సూపర్బ్ గా ఉన్నాయి. అక్కినేని వంశం నుంచి వచ్చిన మాస్ హీరో.. అరంగేట్రంలోనే అరుపులు పెట్టించేస్తున్నాడు ఫ్యాన్స్ తో. దీపావళి రోజున అక్కినేని ఫ్యాన్స్ కి రెండు పండుగలు ఫిక్స్ అయ్యాయిపుడు.