అఖిల్ అతడితో ప్రయోగం చేస్తాడా ?

అక్కినేని వారసుడు.. అందరిలాంటోడు కాదు. తనకంటూ డిఫరెంట్ ప్లాట్ ఫాం ఏర్పాటు చేసుకుంటున్నాడని ఇప్పటికే అర్ధమైంది. సాధారణంగా స్టార్ హీరోల వారసుల లాంఛింగ్ మూవీస్ అంటే ఓ లెక్క ఉంటుంది. వీలున్నంత వరకూ సేఫ్ జోన్ లో ఉండేందుకు.. మాస్ ఎంటర్ టెయినర్ చేస్తారు. లేదా మంచి లవ్ స్టోరీ సెలెక్ట్ చేసుకుని, కాసిని కామెడీ సీన్లతో గట్టెక్కేందుకు ట్రై చేస్తారు.

అయితే అక్కినేని అఖిల్ రూటే సెపరేటు. అందుకే మాస్ మూవీస్ కి కేరాఫ్ అడ్రస్ లాంటి డైరెక్టర్ అయిన వినాయక్ తో మూవీ తీస్తూ.. ఫాంటసీ - పవర్స్ జోడించారు 'అఖిల్' మూవీకి. ఓ ఇంటర్వ్యూలో అయితే.. తనకు తనే బెంచ్ మార్క్ అని చెప్పేసి, తన జోనర్ వేరే అని ప్రూవ్ చేసుకున్నాడు.

విజయదశమి రోజున రిలీజ్ కావాల్సిన అఖిల్ దీపావళికి వాయిదా పడింది. దీని తర్వాత క్రిష్ డైరెక్షన్ లో ఓ మూవీ చేయబోతున్నాడనే వార్తలు టాలీవుడ్ లో చక్కర్లు కొడుతున్నాయి. క్రిష్ అంటే వెర్సటైల్ డైరెక్టర్. కాన్సెప్ట్ లు అంత తేలిగ్గా మాస్ జనాల్లోకి వెళ్లేలా ఉండవు. కానీ మూవీలో అందరికీ మంచి పేరు ఖచ్చితంగా వస్తుంది. అయినా సరే కరెక్ట్ కమర్షియల్ సక్సెస్ ఇంకా రాలేదు. రీసెంట్ గా రిలీజైన కంచెపై ఆ అంచనాలున్నాయి లెండి.

అయితే.. ఇన్నేళ్లుగా ఇండస్ట్రీలో ఉన్నా మాస్ జనాలను ఆకట్టుకోలేకపోయిన క్రిష్ తో మూవీ అంటే రిస్క్ అని భయపడుతున్నారు అక్కినేని ఫ్యాన్స్. ఆ ఫ్యామిలీ నుంచి వచ్చి ఫస్ట్ మాస్ హీరో అనిపించుకుంటున్న అఖిల్.. 'అఖిల్' రిలీజ్ అయ్యాకే ఫైనల్ డెసిషన్ తీసుకోనున్నాడని తెలుస్తోంది.