మజ్ను వాయిదా.. అప్పుడే విడుదల

వెంకీ అట్లూరి దర్శకత్వంలో తెరకెక్కుతున్న అక్కినేని అఖిల్ మూడో సినిమా 'Mr.మజ్ను' ను మొదట డిసెంబర్ నెలలో విడుదల చేయాలని ప్లాన్ చేసుకున్నారు. డిసెంబర్ 21 న రిలీజ్ చేస్తామని నిర్మాత BVSN ప్రసాద్ చాలారోజుల క్రితమే ప్రకటించారు. అక్కినేని హీరోలకు డిసెంబర్ నెల మంచి సెంటిమెంట్. డిసెంబర్లో రిలీజ్ అయిన సినిమాలు దాదాపుగా విజయం సాధించాయి.

కానీ అదే డేట్ కు వరుణ్ తేజ్ - సంకల్ప రెడ్డి 'అంతరిక్షం'.. వైఎస్ఆర్ బయోపిక్ 'యాత్ర'.. శర్వానంద్ 'పడి పడి లేచే మనసు' సినిమాలు కూడా రిలీజ్ అవుతున్నాయి. భారీ కాంపిటీషన్ ఉండడంతో ఇక 'Mr. మజ్ను' ని జనవరి 24 న రిలీజ్ చేద్దామని అనుకున్నారట. కానీ ఎన్టీఆర్ బయోపిక్ సెకండ్ పార్ట్ 'మహానాయకుడు' డేట్ 24 కు లాక్ చేయడంతో ఆ డేట్ కూడా మిస్ అయింది. దీంతో ఫిబ్రవరికి వాయిదా వేయక తప్పలేదట. డేట్ ఇంకా ఫైనలైజ్ కాలేదుగానీ వాలెంటైన్ డే సందర్భంగా రిలీజ్ ఉండొచ్చని టాక్.

ఎలాగూ రొమాంటిక్ ఎంటర్టైనర్ కాబట్టి ప్రేమికుల రోజు సందర్భంగా విడుదల చేయడం కలిసొచ్చే అంశమే. అఖిల్ గతంలో నటించిన రెండు సినిమాలు నిరాశపరిచాయి కాబట్టి ఈ సినిమాతో విజయం సాధించడం చాలా ముఖ్యం. దీంతో బాక్స్ ఆఫీస్ దగ్గర పోటీ విషయం చాలా జాగ్రత్తగా ఉంటున్నారు. ప్రేమికుల రోజు పండక్కు జూనియర్ అక్కినేని వారి ప్రేమకథ ప్రేక్షకులను మెప్పిస్తుందో లేదో వేచి చూడాలి.