మళ్లీ మనం సీన్ రిపీట్ చేస్తున్నారా?

అక్కినేని నాగేశ్వర్రావు నుంచి వంశోద్ధారకులందరూ కలిసి నటించిన మనం ఏ స్థాయిలో పేరు తెచ్చుకుందో తెలుసు. అఖిల్ కోసం ఇప్పుడిదే మ్యాజిక్ ని మళ్లీ రిపీట్ చేయబోతున్నారు. సక్సెస్ కొట్టే టార్గెట్ ప్రతీ మూవీకి ఎలాగూ ఉంటుంది. కానీ.. అందరూ కలిసి కనిపించడం గురించి మాట్లాడుకోవాలి. మనంలో కలిసి కనిపించిన అక్కినేని వంశం... కలిసి డ్యాన్స్ మాత్రం చేయలేదు. ఇప్పుడా లోటు కూడా తీర్చేయబోతున్నారట అఖిల్ తో.

అక్కినేని.. అక్కినేని అంటూ సాగే మాస్ మసాలా బీట్ లో... అఖిల్ కి తోడుగా నాగార్జున కూడా చిందేశాడట. అంతే కాదు.. అఖిల్ అన్న నాగచైతన్యను కూడా పట్టుకొచ్చేశారు. అఖిల్ - నాగ్ - చైతూ.. ఇంతమంది ఉన్నాక.. నాగేశ్వరరావు లేకపోతే లోటుగా అనిపిస్తుంది కదా.. అందుకే గ్రాఫిక్స్ తో ఆయనతో కూడా స్టెప్స్ వేయించేశారట. అక్కినేని ఫ్యామిలీ కోసం జానీ మాస్టర్ కంపోజ్ చేసిన డ్యాన్స్ అదిరిపోయిందని తెలుస్తోంది. అన్నపూర్ణ స్టూడియోలో ప్రత్యేకంగా వేసిన సెట్స్ లో ఈ సాంగ్ షూటింగ్ చేశారు. ఒక్క స్టిల్ కూడా ఎక్కడా బైటకు రాకుండా జాగ్రత్త పడ్డారు చిత్ర యూనిట్.

మొత్తానికి అఖిల్ ని టాప్ హిట్ మూవీగా మలిచేందుకు.. నాగ్ వేస్తున్న ఐడియాలు ఆశ్చర్యానికి గురి చేస్తున్నాయి. రెండు రోజులకో న్యూస్ చొప్పున.., కొత్త సంగతులు బైటకొచ్చేలా ప్లాన్ చేశారు. ఇంకా అఖిల్ రిలీజ్ కావడానికి 22 రోజుల టైం ఉంది. ఈలోగా ఇంకెన్ని సంగతులు చెబ్తారో అఖిల్ గురించింది.