అఖిల్ నాలుగో సినిమా ఎవ‌రితో?

అఖిల్ అక్కినేని న‌టించే నాలుగో సినిమా ఏది? గ‌త కొంత‌కాలంగా టాలీవుడ్ స‌ర్కిల్స్ లో వాడి వేడిగా సాగుతున్న చ‌ర్చ ఇది. అక్కినేని వార‌సుడిగా అఖిల్ ఇప్ప‌టికే మూడు సినిమాల్లో న‌టించాడు. అఖిల్.. హ‌లో.. మిస్ట‌ర్ మ‌జ్ను .. ఈ మూడు సినిమాలు బాక్సాఫీస్ వ‌ద్ద‌ నిరాశ‌ప‌రిచాయి. అఖిల్ న‌టుడిగా ఫెయిల‌వ్వ‌లేదు. డ్యాన్సుల ప‌రంగా టాప్ క్లాస్ అని నిరూపించాడు. సినిమా సినిమాకి ప‌రిణ‌తి చూపించాడు. కానీ ఆశించిన బ్లాక్ బ‌స్ట‌ర్ మాత్రం ద‌క్క‌లేదు. అన్నీ ఉన్నా..! అన్న చందంగా ల‌క్ త‌న‌కు క‌లిసి రాలేదు. ఈ ప‌రిణామం.. అక్కినేని న‌ట‌వార‌సుడిగా అఖిల్ పై అంత‌కంత‌కు ఒత్తిడి పెంచుతోంది. లెజెండ్ అక్కినేని నాగేశ్వ‌ర‌రావు .. కింగ్ నాగార్జున కాలంతో పోలిస్తే ఇప్పుడు ఠ‌ఫ్ కాంపిటీష‌న్ ఉంది. న‌ట‌వార‌స‌త్వం లేని స్టార్లు త‌మ‌ని తాము నిరూపించుకుంటూ ఛాలెంజింగ్ గా ఎదిగేస్తున్నారు. ఎలాంటి ఇమేజ్ స‌మ‌స్య లేని వాళ్ల హ‌వా న‌డుస్తోంది.

అందుకే ఇప్పుడు అఖిల్ న‌టించ‌బోయే నాలుగో సినిమాపై మ‌రింత బ‌రువు బాధ్య‌త పెరిగింద‌ని అభిమానులు భావిస్తున్నారు. అస‌లింత‌కీ అఖిల్ నాలుగో సినిమా ద‌ర్శ‌కుడు ఎవ‌రు? అన్న‌దానిపై ఇంత‌వ‌ర‌కూ స‌రైన క్లారిటీ లేనేలేదు. స్టార్ డైరెక్ట‌ర్ క్రిష్ పున‌ర్జ‌న్మ‌ల క‌థ వినిపించాడ‌ని పుకార్లు షికారు చేశాయి. కానీ దానిని క్రిష్ ఖండించారు. అయితే క్రిష్ అఖిల్ కోసం క‌థ రాస్తున్నారా లేదా? అన్న దానికి క్లారిటీ లేదు. అలాగే `మ‌లుపు` ద‌ర్శ‌కుడు స‌త్య ప్ర‌భాస్ క‌థ వినిపించార‌ని.. స్పోర్ట్స్ నేప‌థ్యం అఖిల్ కి న‌చ్చింద‌ని వేరొక రూమ‌ర్ వినిపించింది. అయితే అదీ ఫైన‌ల్ అయ్యింద‌ని ఇంత‌వ‌ర‌కూ చెప్ప‌లేదు.

బొమ్మ‌రిల్లు భాస్క‌ర్ - గీత గోవిందం ఫేం ప‌ర‌శురామ్ అఖిల్ వెంట ప‌డుతున్నారు. అత‌డి కోసం క‌థ‌లు వండి వార్చారు. ప్ర‌ఖ్యాత గీతా ఆర్ట్స్ సంస్థ ఈ రెండు స్క్రిప్టుల్లో ఏదో ఒక‌టి అఖిల్ కి ఖాయం చేసి సినిమా తీసే ఆలోచ‌న‌లో ఉంద‌ని వార్త‌లొచ్చాయి. అఖిల్ - బొమ్మ‌రిల్లు భాస్క‌ర్ కాంబినేష‌న్ ని గీతా ఆర్ట్స్ సంస్థ ఆల్ మోస్ట్ ఖాయం చేసింద‌ని ప్ర‌చార‌మైపోయింది. కానీ వేటికీ అధికారిక క‌న్ ఫ‌ర్మేష‌న్ లేనేలేదు. చూస్తుండ‌గానే నాలుగేళ్లు గ‌డిచిపోయాయి. అఖిల్ ని నెక్ట్స్ లెవ‌ల్లో చూడాల‌న్న‌ది అక్కినేని అభిమానుల కోరిక‌. కానీ ఆ కోరిక నెర‌వేర‌డం లేదు. అస‌లు అఖిల్ కి బ్లాక్ బ‌స్ట‌ర్ ఇచ్చే మొన‌గాడే టాలీవుడ్ లో లేడా? ఈసారి అఖిల్ సీన్ ఏంటి? అన్న‌ది ఇంకా స‌స్పెన్స్. ఏప్రిల్ 8 అఖిల్ బ‌ర్త్ డే సంద‌ర్భంగా గుడ్ న్యూస్ చెబుతాడ‌నే అభిమానులు వేచి చూస్తున్నారు. ఇప్ప‌టికే అక్కినేని ఫ్యాన్స్ లో సంబ‌రాలు మొద‌లైపోయాయి. మ‌రి ఆ శుభ‌వార్త కోస‌మే వెయిటింగ్.