అఖిల్.. ఇక నెక్స్ట్ ఏంటి?

ఫైనల్ గా అక్కినేని యువ హీరో అఖిల్ రెండు సంవత్సరాల తరువాత ప్రేక్షకుల ముందుకు వచ్చాడు. మొదటి సినిమా అఖిల్ ఊహించని విధంగా డిజాస్టర్ అవ్వడంతో ఎలాగైనా హిట్ కొట్టాలని హలో సినిమా తీశాడు. అయితే సినిమా మొదటి షోకే డీసెంట్ టాక్ ను సొంత చేసుకుంది. న్యాచురల్ స్టార్ నాని మిడిల్ క్లాస్ అబ్బాయికి ఉహించినంతగా రెస్పాన్స్ రాకపోవడంతో క్రిస్మస్ పోటీలో అఖిల్ విజయం పొందినట్లే అని టాక్ వినిపిస్తోంది.

విక్రమ్ కుమార్ దర్శకత్వంలో వచ్చిన హలో ఫస్ట్ వీకెండ్ మంచి ఓపెనింగ్స్ అందుకే ఛాన్స్ ఉంది. దీంతో అందరి చూపు అఖిల్ వైపు మళ్లింది. అఖిల్ నెక్స్ట్ సినిమా ఏంటని అందరు అనుకుంటున్నారు. అయితే నాగ్ మాత్రం భారీ బడ్జెట్ సినిమా ఉండేలా అఖిల్ నెక్స్ట్ సినిమా కోసం కొన్ని కథలను అనుకుంటున్నాడట. అంతే కాకుండా స్టార్ దర్శకులని లైన్లో పెట్టినట్లు తెలుస్తోంది. కొరటాల శివ - బోయపాటి శ్రీను వంటి వారితో అఖిల్ నెక్స్ట్ సినిమా ఉండనుందని టాక్.

అంతే కాకుండా సుకుమార్ కూడా అఖిల్ కోసం ఒక కథను స్పెషల్ గా రాసినట్లు తెలుస్తోంది. ప్రస్తుతం సుకుమార్ రామ్ చరణ్ తో రంగస్థలం సినిమా తెరకెక్కిస్తోన్న సంగతి తెలిసిందే. ఆ సినిమా తర్వాత సుకుమార్ ఎవరితోను కమిట్ అవ్వలేదు. దీంతో తప్పకుండా అఖిల్ తో ఒక డిఫెరెంట్ లవ్ స్టోరీని తీయాలనే ఆలోచనలో ఉన్నట్లు సమాచారం. మరి ఆ సినిమా ఎప్పుడు పట్టాలెక్కుతుందో చూడాలి.