అఖిల్ వర్సెస్ చిరుత.. ఫుల్‌ కిక్‌

రెండే రోజులు.. అఖిల్ థియేటర్స్ లోకి వచ్చేందుకు మిగిలిన టైం ఇది. పిక్చరైజేషన్ లోనే కాదు.. ప్రమోషన్ లో కూడా అగ్రెసివ్ గా దూసుకుపోతున్నాడు అఖిల్. ఈ టైంలో ఓ ఇంట్రెస్టింగ్ న్యూస్ చెప్పాడు. దసరాకి రావాల్సిన అఖిల్ మూవీ.. దీపావళికి వాయిదా పడ్డానికి గ్రాఫిక్స్ కారణం అని ముందే చెప్పినా.. ఏ సీన్ కోసం పోస్ట్ పోన్ చేయాల్సొచ్చిందో డీటైల్డ్ గా చెప్పాడు అక్కినేని వారసుడు.

అఖిల్ చిత్రంలో గ్రాఫిక్ వర్క్ కి చాలా ఇంపార్టెన్స్ ఉంది. క్లైమాక్స్ - ప్రీక్లైమాక్స్ సన్నివేశాల్లో సీజీ వర్క్ అవుట్ పుట్ నచ్చలేదట. ఈ సీన్స్ చాలా కీలకం కావడంతో.. కాంప్రమైజ్ కావడం ఇష్టంలేకే అప్పుడు వాయిదా వేసుకున్నామన్నది అఖిల్ ఎక్స్ ప్లెనేషన్. ముఖ్యంగా ఓ నల్ల చిరుతతో అఖిల్ తలపడే సన్నివేశాన్ని.. సిల్వర్ స్క్రీన్ పై చూడాల్సిందే తప్ప.. మాటల్లో వర్ణించలేమంటున్నారు.' నిజం చిరుత అయితే.. ఖచ్చితంగా నన్ను చంపేస్తుంది. అందుకే గ్రాఫిక్స్ లో చిరుతను సృష్టించాం' అంటున్నాడు అఖిల్.

మూవీలోని స్పెషల్ అట్రాక్షన్స్ లో అఖిల్ వర్సెస్ బ్లాక్ పాంథర్ ఫైట్ కూడా ఒకటిగా నిలవనుంది. ఇక క్లైమాక్స్ ఎలాగూ గాల్లో ఎగురుతున్న ఫ్లయిట్ లో ఉంటుందని డైరెక్టర్ వినాయక్ చెప్పాడు కాబట్టి.. ఇది ప్రీక్లైమాక్స్ సన్నివేశం అని ఎక్స్ పెక్ట్ చేస్తున్నారు ఫ్యాన్స్. అఖిల్ తో చిరుతకి పోటీ.. ఊహించడానికే సూపర్ గా ఉంది కదూ. ఫుల్‌ కిక్‌ సీక్వెన్సులు తెర మీద చూడాలంటే మరో రెండు రోజులు వెయిట్ చేయాల్సిందే.