ఫిక్స్ చేసినా.. దాచేశారట..

అక్కినేని అఖిల్ రెండో సినిమా షూటింగ్ ఇప్పటికే ప్రారంభమైంది. తొలి షెడ్యూల్ లో ఓ భారీ యాక్షన్ ఎపిసోడ్ ను కూడా తెరకెక్కించాడు దర్శకుడు. హైద్రాబాద్ మెట్రోలో షూటింగ్ జరుపుకున్న తొలి మూవీగా రికార్డ్ సృష్టించిన ఈ చిత్రానికి.. ఇంకా హీరోయిన్ విషయం అనౌన్స్ చేయలేదు.

ఈ చిత్రంలో హీరోయిన్ అంటూ అనుపమా పరమేశ్వరన్.. మేఘా ఆకాష్ ల పేర్లు ప్రచారం జరిగాయి. రీసెంట్ గా శ్రీదేవి చిన్న కూతురు జాన్వి కపూర్ పేరు కూడా ప్రచారం లోకి వచ్చింది. అయితే ఈ పేర్లన్నిటినీ నాగార్జున స్వయంగా ఖండిచేయడంతో.. ఈ పుకార్లకు బ్రేక్ పడిపోయింది. అయితే.. వాస్తవానికి అఖిల్- విక్రమ్ కె కుమార్ దర్శకత్వంలో రూపొందుతున్న ఈ చిత్రంలో హీరోయిన్ ను ఫైనల్ చేసేశారట. కానీ కావాలనే హీరోయిన్ ఎవరనే విషయాన్ని ఉద్దేశ్యపూర్వకంగానే దాచి పెట్టారట. సినిమాపై హైప్ పెంచడం కోసమే ఇలా చేస్తున్నారని తెలుస్తోంది.

అలాగని షూటింగ్ పూర్తయ్యేవరకూ దాచేసే ఉద్దేశ్యం లేదట. ఈ వయ్యారి భామతో షూటింగ్ స్టార్ట్ చేసిన వెంటనే.. గ్రాండ్ గా అనౌన్స్ చేయబోతున్నారట. ఆ రేంజ్ హీరోయిన్ ను ఫిక్స్ చేశారని.. ఆ భామ పేరు ప్రకటించగానే సినిమాపై హైప్ పదింతలు అవుతుందని చెప్పుకుంటున్నారు. నాగార్జున నిర్మాణంలో రూపొందుతున్న మూవీలో హీరోయిన్ గురించి ఇంతగా ఊరించేయడం చూస్తుంటే.. ఏదో సెన్సేషనల్ అనౌన్స్ మెంట్ వచ్చేట్లుగానే ఉంది.

Like Us on Facebook : https://www.facebook.com/Tupakidotcom/