అఖిల్ సెకండ్ ముహూర్తం కుదిరందహో

అక్కినేని అఖిల్ రెండో సినిమాకు ఎట్టకేలకు ముహూర్తం ఖాయమైంది. మొదటి మూవీ అఖిల్ విడుదలయ్యి ఏడాది దాటిపోయిన తర్వాత.. ఇప్పటికి కొత్త సినిమా ప్రారంభానికి ముహూర్తం కుదిరింది. మనం.. 24.. వంటి విభిన్నమైన చిత్రాలను తెరకెక్కించిన విక్రమ్ కె. కుమార్ తో.. నాలుగైదు నెలల క్రితమే అఖిల్ రెండో సినిమా ఖాయమైంది.

వచ్చే శనివారం అంటే జనవరి 14న సంక్రాంతి పండుగ సందర్భంగా అఖిల్ సెకండ్ మూవీ లాంఛింగ్ కార్యక్రమం జరగనుంది.అన్నపూర్ణ స్టూడియోస్ లో ఈ వేడుక జరగనుండగా.. గ్రాండ్ గా ఈ ఈవెంట్ జరిపేందుకు నాగార్జున సన్నాహాలు చేయనున్నారు. కొన్ని నెలల క్రితమే సబ్జెక్ట్ ఫైనల్ అయినా.. స్క్రీన్ ప్లే-డైలాగ్స్ పర్ఫెక్ట్ వెర్షన్ సిద్ధం చేసుకునేందుకు దర్శకుడు అడిగినంత సమయాన్ని ఇచ్చారు నిర్మాత నాగార్జున. అఖిల్ కి జోడీగా ఈ మూవీలో మేఘా ఆకాష్ ను ఇప్పటికే ఖాయం చేసేశారు.

అఖిల్-విక్రమ్ ల చిత్రానికి ఇప్పటికే ఓ క్యాచీ టైటిల్ ని విక్రమ్ కె కుమార్ ఫిక్స్ చేసుకున్నాడని.. దాన్ని మరో ఈవెంట్ లో అనౌన్స్ చేయాలని నిర్ణయించినట్లుగా తెలుస్తోంది. బడ్జెట్ విషయంలో పెద్దగా పరిమితులు పెట్టుకోవాల్సిన పని లేదని నాగ్ నుంచి సూచనలు అందడంతో.. హై బడ్జెట్ మూవీగానే అఖిల్ సెకండ్ తెరకెక్కనుండడం విశేషం. అనూప్ రూబెన్స్ ఈ చిత్రానికి సంగీతం అందించనున్నాడు.

Like Us on Facebook : https://www.facebook.com/Tupakidotcom/