హైద్రాబాద్ మెట్రోలో అఖిల్...

అఖిల్ రెండో సినిమా షూటింగ్ ఈ నెల ప్రారంభంలో మొదలైంది. మొదటగా ఓ భారీ యాక్షన్ సీక్వెన్స్ ను పిక్చరైజ్ చేస్తున్నాడు దర్శకుడు విక్రమ్ కె కుమార్. ఈ మూవీకి జున్ను అనే టైటిల్ ని పరిశీలిస్తున్నారనే టాక్ ఉంది కానీ.. దీనిపై కన్ఫర్మేషన్ మాత్రం లేదు.

మరోవైపు అఖిల్ సెకండ్ మూవీ.. ఆరంభంలోనే అరుదైన రికార్డ్ అందుకుంది. హైద్రాబాద్ మెట్రో రైల్ లో షూటింగ్ జరుపుకున్న తొలి చిత్రంగా అఖిల్ సినిమా రికార్డ్ పుస్తకాల్లోకి ఎక్కేసింది. ఇంతవరకూ హైద్రాబాద్ మెట్రో కార్యకలాపాలు ప్రారంభం కాలేదు కానీ.. ఇప్పటికే ట్రయల్ రన్స్ జరుపుతున్నారు. ఇప్పుడు అఖిల్ కోసం ఓ భారీ యాక్షన్ సీక్వెన్స్ ను హైద్రాబాద్ మెట్రోలో షూటింగ్ జరిపారు. ఇప్పటికే యాక్షన్ ఎపిసోడ్ పిక్చరైజేషన్ పూర్తయిపోవడం విశేషం.

అఖిల్ రెండో సినిమాను యాక్షన్ జోనర్ తో పాటు ఇప్పటివరకూ టాలీవుడ్ లో ఎవరూ టచ్ చేయని ఓ కొత్త జోనర్ ను కూడా మిక్స్ చేసి చూపించనున్నాడట దర్శకుడు విక్రమ్ కె కుమార్. విభిన్నమైన థీమ్ తో మనం లాంటి బ్లాక్ బస్టర్ ఇచ్చిన దర్శకుడు కావడంతో.. బడ్జెట్ పరిమితులు సడలించుకుని మరీ డైరెక్టర్ కి ఫ్రీ హ్యాండ్ ఇచ్చాడట నిర్మాత నాగార్జున.

Like Us on Facebook : https://www.facebook.com/Tupakidotcom/