జున్ను కాదు.. మహేష్ తారక అంటున్నాడు

అక్కినేని అఖిల్ కొత్త సినిమా ఈ నెలలో మొదలు కానున్న విషయం తెలిసిందే. మనం ఫేం దర్శకుడు విక్రమ్ కె కుమార్ ఈ చిత్రాన్ని రూపొందించనుండగా.. కొన్ని వారాల్లోనే రెగ్యులర్ షూటింగ్ స్టార్ట్ చేసేయనున్నారు. అయితే.. ఈ డైరెక్టర్ కి ఓ అలవాటు ఉంది. మూవీ ప్రారంభానికి ముందే టైటిల్ విషయంలో క్లారిటీ ఇచ్చేస్తాడు.

అసలు స్టోరీ ఫైనలైజ్ చేసేసరికే.. టైటిల్ చెప్పేసేంతటి స్పష్టత విక్రమ్ కె కుమార్ సొంతం. కానీ అఖిల్ మూవీ విషయంలోనే తేడా వచ్చింది. స్టోరీ ఎప్పుడో లాక్ చేసుకున్నా.. ఇంకా పేరేంటనే సంగతి తెలియలేదు. మధ్యలో జున్ను అంటూ ఓ లీక్ వదిలారు కానీ.. జనాలు బాగా కామెడీ చేసేశారు. ఈ టైటిల్ సోషల్ మీడియాలో తెగ ఫన్నీ అయిపోయింది. దీంతో అలర్ట్ అయిన అక్కినేని టీం.. కొత్త టైటిల్ చూడాల్సిందిగా దర్శకుడిని కోరారు. ఇప్పుడు అఖిల్ కోసం 'ఎక్కడ ఎక్కడ ఉందో తారక' అనే పేరు రిజిస్టర్ చేయించారు. ఇది మురారి సినిమాలో మహేష్ బాబు పాడుకునే పాటకు పల్లవి అనే సంగతి అర్ధమవుతూనే ఉంది.

అయితే.. జున్ను.. ఎక్కడ ఎక్కడ ఉందో తారక.. ఈ రెండు టైటిల్స్ ను అన్నపూర్ణ స్టూడియోస్ బ్యానర్ పై కాకుండా.. సుమంత్ బ్యానర్ అయిన ఎస్ ఎస్ క్రియేషన్స్ పై రిజిస్టర్ చేయించడం విశేషం. లీక్ వదిలి రియాక్షన్ తెలుసుకునేందుకే ఇలా మేనల్లుడి బ్యానర్ వాడుకుంటున్నాడు అక్కినేని నాగార్జున.

Like Us on Facebook : https://www.facebook.com/Tupakidotcom/